राष्ट्रको नाममा सम्बोधन गर्दै प्रधानमन्त्रीले भने- ‘ह्याप्पी भ्यालेन्टाइन डे !’

२०७५ फागुन २ गते १६:५८ विकासन्युज

काठमाडौं । प्रधानमन्त्री केपी शर्मा ओलीले राष्ट्रको नाममा सम्बोधन गर्दै नवयुवा तथा युगल जोडीलाई भ्यालेन्टाइन डेको शुभकामना दिएका छन् । करिब ५० मिनेट लामो सम्बोधनका क्रममा अधिकांश समय एक वर्षमा गरेका केही राम्रा काम, आश्वासन र विपक्षीप्रतिको आलोचनामा खर्चिएका ओलीले सम्बोधनलाई टुङ्ग्याउँदै भने – ‘म यहाँहरु सबैलाई धन्यवाद भन्न चाहन्छु, नयाँ पिढीका हाम्रा भाइबहिनीहरुलाई ह्याप्पी भ्यालेन्टाइन डे समेत ।’