२०७५ मंसिर २३ गते १७:३१ विकासन्युज
काठमाडौं । नेपाल इन्जिनियर्स एसोसिएशनको ३२ औं निर्वाचन नजिकिदैं जादा प्रोगेसिभ इन्जिनियरिङ एशोसियशन नेपाल पीनले तयारी पुरा गरेको बताएको छ । पीनले ३२ बुँदे घोषणापत्र जारी गर्दै सातै प्रदेशमा जित हासिल गर्ने दाबी गरेको हो ।
घोषणापत्रमा पीनले १५० मेघावटको जलविद्युत आयोजना बनाउनेदेखि लिएर ४७ हजार इन्जिनियरहरुलाई सदस्य बनाउने उल्लेख गरिएको छ । घोषणापत्र जारी गर्दै पीनका अध्यक्ष सम्भु बहादुर श्रेष्ठले सबै इन्जिनियरहरुको हकहितका लागि काम गर्ने बताए ।
उनले देशभरी नै चुनावी माहोल आफ्नै पक्षमा रहेको बताउँदै सातै प्रदेशमा जित हासिल गर्ने दाबी गरे । एसोसिएशनको ३२ औं कार्यकारिणी समिती निर्वाचन मंसिर २८ गते सातै प्रदेशमा हुँदैछ ।
Copyright © 2024 Bikash Media Pvt. Ltd.