काठमाडौं । मोलाइल सेवा प्रदायक एनसेल प्रालिले नेपालमा कमाएको लाभांश विदेशमा लैजान पाउने भएको छ ।सर्वोच्च अदालतले आइतबार एनसेलको पक्षमा फैसला गर्दै उसले नेपालमा कमाएको नाफाबाट लाभांस बापतको रकम विदेश लैलान बाटो खुला गरिदिएको हो ।

न्यायधीशद्धय ओमप्रकास मिश्र र केदारप्रसाद चालिसकोको संयुक्त इजलासले लाभांस वितरणमा रोक लगाउँदा कम्पनीलाई अपूरणीय क्षति पुग्ने र सुविधाको दृष्टिबाटसमेत उचित नदेखिने ठहर गर्दै लाभांश लैजान खुला गरिदिएको हो । सर्वोच्चले यसअघिकै अन्तरिम आदेश मुताविक आदेश दिएको हो ।

८० प्रतिशत सेयर हस्तान्तरण गर्दा लाग्ने पुँजीगत लाभकर नतिरेपनि एनसेललाई लाभांस लैजान बाटो खुला भएको छ । एनसेललाई लाभकर वापत कर कार्यलयले ६१ अर्ब रुपैयाँ कर निर्धारण गरेको छ ।

ठूला करदाता कार्यालयको गत असार ३ गते र नेपाल राष्ट्र बैंकले असार २६ गते एनसेललाई लाभांस विदेश लैजान नदिएपछि एनसेल सर्वोच्च पुगेको थियो । लाभांस फिर्ता लैजानबाट रोक्ने कार्य विदेशी लगानी तथा प्रविधि हस्तान्तरण ऐन (२०४९ र कम्पनी ऐन २०६३ को प्रतिकूल देखिएको सर्वोच्चको आदेशमा उल्लेख गरिएको छ ।

स्वीडेनको टेलियासोनेराले आफ्नो स्वामित्वमा रहेको ८० प्रतिशत स्वामित्व मलेसियाको आजियाटा कम्पनीलाई १ खर्ब ४० अर्ब रुपैयाँमा विक्री गरेको थियो ।

सम्बन्धित शिषर्कहरु

दुध उत्पादक किसानलाई शीघ्र भुक्तानीको व्यवस्था गरिनेछ : मन्त्री साह

११ दिनपछि मनसुन भित्रिने

कानुन नमान्‍ने सहकारीहरू खारेजी प्रक्रियामा लैजान काठमाडौं महानगरलाई विज्ञको सुझाव

श्रम क्षेत्रको समस्या समाधान गर्न ‘श्रमाधान रोजगार मेला’ सुरु गरिएको हो : मन्त्री अर्याल

स्वास्थ्य मन्त्रालयद्वारा तीन सदस्यीय उच्चस्तरीय समिति गठन

१५ लाख खर्चेर चिडिया तालसम्म पदमार्ग निर्माण