२०७३ फागुन २० गते १२:०३ विकासन्युज
काठमाडौं । नेपालको ठूलो व्यावसायिक घराना चौधरी ग्रुपले सूचना प्रविधिको क्षेत्रमा करिव पौने तीन अर्ब रुपैयाँ लगानी गर्ने घोषणा गरेको छ ।
नेपाल सरकारले आयोजना गरेको लगानी सम्मेलनमा चौधरी ग्रुपका निर्देशक निर्वाण चौधरीले सूचना प्रविधिको क्षेत्रमा २५ मिलियन डलर (२ अर्ब ७५ करोड रुपैयाँ) लगानी गर्ने घोषणा गरेका हुन् ।
चौधरी ग्रुपले निकट भविष्यमै मोवाइल वालेट सार्वजानिक गर्ने उनले जानकारी दिए । ‘अबको युग सूचना प्रविधिको युग हो, चौधरी समूहले यो क्षेत्रमा ठूलो लगानीको तयारी गरिरहेको छ,’ चौधरीले भने ।
Copyright © 2024 Bikash Media Pvt. Ltd.
