२०७३ साउन २६ गते ७:२४ विकासन्युज
काठमाडौं, २६ साउन । जनता बैंकले ५० प्रतिशत हकप्रद सेयर निष्कासन गर्न सेयर निस्कासन तथा विक्री प्रबन्धकमा एनसिएम मर्चेन्ट बैंकिङलाई नियुक्त गरेको छ । नियुक्त सम्बन्धि सम्झौता पत्रमा बैंकका प्रमुख कार्यकारी अधिकृत कुमार लम्साल र एनसिएमका प्रबन्ध सञ्चालक वजयलाल श्रेष्ठले हस्ताक्षर गरेका छन् ।
हकप्रद सेयर दिने निर्णय बैंकको छैठौं बार्षिक साधारणसभाले पारित गरिसकेको छ । हाल बैंकको चुक्ता पूँजी दुई अर्ब ६ करोड रुपैयाँ रहेको छ भने हकप्रद सेयर जारी गरेपछि एक अर्ब ३ करोड रुपैयाँ बढ्ने बैंकले जनाएको छ । बैंकका अनुसार गत आर्थिक वर्षमा बैंकले ३२ करोड ५३ लाख रुपैयाँ खुद मुनाफा आर्जन गर्न सफल भएको छ ।
Copyright © 2024 Bikash Media Pvt. Ltd.
