काठमाडौं । मार्जिन कारोबारका लागि कार्यविधि पारित गरि बाटो खुला गरेको क्रिष्टल कञ्चनजंघा सेक्यूरिटिजले कारोबारमा लगानीकर्तासँग लिने ब्याजदर तोकेको छ । क्रिष्टलले बैंकबाट लिएको ब्याजदरमा ३ देखि ६ प्रतिशतसम्म प्रिमियम ब्याजदर तोकेको हो ।

कारोबारको आकार र समयका आधारमा बैंकले सेक्युरिटिजसँग लिने व्याजभन्दा ३ देखि ६ प्रतिशत ब्याज थपेर ब्याजदर निर्धारण गर्ने ब्रोकर एसोशियसनका पूर्व अध्यक्षसमेत रहेका सेक्युरिटिजका अध्यक्ष प्रियराज रेग्मीले बताए ।

मंगलबार(असोज १४ गते) मात्र कम्पनीलाई मार्जिन कारोबार संचालन गर्न बाटो खुला भएको छ । मार्जिन सुविधा सुरु गर्ने याे पहिलो ब्रोकर कम्पनी हाे । उक्त कारोबारको लागि इच्छुक ग्राहकले विभिन्न प्रक्रिया पुरा गर्नुपर्ने छ । “यसका लागि ग्राहकले पहिले निवेदन दिनु पर्नेछ । त्यसपछि नयाँ डिम्याट खाता खोल्नु पर्ने, ब्रोकरसँग सम्झौता गर्नुपर्ने हुन्छ । त्यसपछि उसले कतिसम्म मार्जिन पाउने, कति ऋण पाउने सबै उल्लेखित हुन्छ । यदि सेयर किन्नु पर्यो भने आफुले कति सेयर किन्न चाहेको हो त्यसको आधारमा उसले प्राप्त गर्ने ऋण भन्दा बाहेकको पैसा अग्रिम रुपमा मार्जिनको रुपमा बुझाउनु पर्ने छ । त्यसपछि बल्ल इच्छुक सेयरधनीले सेयर किन्न पाउने छन् । ”- अध्यक्ष रेग्मीले विकासन्युजसँग भने ।

अन्य बाँकी कार्यविधि नेप्सेको जस्तै हुने छ । कम्तीमा १० हजार सेयरधनी भएको र पछिल्लो दुई आर्थिक वर्षमा १० प्रतिशतभन्दा बढी लाभांश दिएको कम्पनीलाई मार्जिन दिन सकिने व्यवस्था गरिएको छ । दोस्रो बजारमा कम्तीमा पनि दैनिक ८० प्रतिशत सेयर कारोबार भएको र आर्थिक वर्षको प्रथम ६ महिनाभित्रै वार्षिक साधारणसभा गरेको कम्पनीले मात्रै मार्जिन सुविधा पाउने प्रावधान छ ।

सम्बन्धित शिषर्कहरु

संजय महासेठले एकल बनाए एम बैंक, नयाँ सुविधा सहित सेवा दिने अठौट

तातो हावाको लहर अझै बढ्ने, बच्न के गर्ने ?

८.९९% व्याजमा घर कर्जा, १२ करोडसम्म ऋण सुविधा

सन नेपाल लाइफले डाक्यो ७औं वार्षिक साधारण सभा, यस्ता छन् मुख्य एजेन्डा

भारत छाड्ने ह्वाट्सएपको धम्कीले जुकरबर्ग चर्चामा

‘विश्वको सबैभन्दा ठूलो’ विमानस्थल टर्मिनलको निर्माण थालेको दुबईको घोषणा