काठमाडौं । दशैंको शुरुवातसँगै सेयर बजारमा पनि हरियाली छाएको छ । सोमबार दोहोरो अंकले उकालो लागेको बजार मंगलबार पनि दोहोरो अंकले बढेको छ ।

मंगलबारको नेप्से परिसूचक १०.१३ अंकले बढेको छ । साताको दुई दिनमै नेप्से परिसूचक करिब २१ अंकले उकालो लागेर मंगलबार ११४५ अंकमा पुगेको छ ।

बजारमा नेप्से परिसूचक सँगै कारोबार रकममा पनि वृद्धि भएको छ । मंगलबार कूल १६४ कम्पनीको ३१ करोड १४ लाख रुपैयाँ बराबरको सेयर किनबेच भएको छ । जुन अघिल्लो दिनको तुलनामा १४ करोड रुपैयाँ बढी कारोबार भएको छ । सोमबार कूल १५७ कम्पनीको १६ करोड ८८ लाख रुपैयाँ बराबरको सेयर किनबेच भएको थियो ।

मंगलबार ६ वटा कम्पनीको करोडौं बढीको सेयर कारोबार भएको छ । सबैभन्दा बढी नेपाल बङ्गलादेश बैंकको ७ करोड रुपैयाँ बराबरको प्रमोटर सेयर किनबेच भएको छ । शिवम् सिमेन्टको ४ करोड, मेघा बैंकको एक करोड ३४ लाख, नेपाल दुरसञ्चारको एक करोड २९ लाख र हिमालयन डिष्टिलरीको एक करोड ६ लाख रुपैयाँ बराबरको साधारण सेयर बिक्री भएका छन् । त्यस्तै, नेपाल इन्भेष्टमेन्ट बैंकको ३ करोड बराबरको प्रमोटर सेयर किनबेच भएको छ ।

बजारमा निर्जीवन बीमा समूह सबैभन्दा बढी अंकले बढेको छ । सोमबार पनि दोहोरो अंकले बढेको उक्त समूह मंगलबार पनि ४९ अंकले उकालो लागेको छ । उत्पादनमूलक, होटल र म्युचअल फण्ड ओरालो लागेका छन् भने कारोबारमा आएका बाँकी समूह उकालो लागेका छन् ।

मंगलबार चार कम्पनीको सेयर मूल्य ६ प्रतिशत बढीले बढेको छ । सबैभन्दा बढी सिनर्जी पावर डेभलपमेन्ट बैंकको सेयर मूल्य ६.८५ प्रतिशतले बढेको छ । त्यस्तै, यूनाईटेड फाइनान्सको ६.५९, रिलायन्स फाइनान्सको ६.३६ र माहुली सामुदायिक लघुवित्त वित्तीय संस्थाको सेयर मूल्य ६ प्रतिशतले बढेको छ । सबैभन्दा बढी सप्तकोशी डेभलपमेन्ट बैंकको सेयर मूल्य ९.०९ प्रतिशतले घटेको छ ।

सम्बन्धित शिषर्कहरु

संजय महासेठले एकल बनाए एम बैंक, नयाँ सुविधा सहित सेवा दिने अठौट

तातो हावाको लहर अझै बढ्ने, बच्न के गर्ने ?

८.९९% व्याजमा घर कर्जा, १२ करोडसम्म ऋण सुविधा

सन नेपाल लाइफले डाक्यो ७औं वार्षिक साधारण सभा, यस्ता छन् मुख्य एजेन्डा

भारत छाड्ने ह्वाट्सएपको धम्कीले जुकरबर्ग चर्चामा

‘विश्वको सबैभन्दा ठूलो’ विमानस्थल टर्मिनलको निर्माण थालेको दुबईको घोषणा