२०८० साउन ७ गते १४:५५ विकासन्युज
काठमाडौं । गत आर्थिक वर्षमा लक्ष्यको आधा पनि ऋण विस्तार हुन नसकेपछि राष्ट्र बैंकले ऋण विस्तारको लक्ष्य घटाएको छ ।
केन्द्रीय बैंकले आइतबार जारी गरेको आर्थिक वर्ष २०८०/८१ को मौद्रिक नीतिमा कर्जा वृद्धीको लक्ष्य घटाएको हो ।
‘बैंक तथा वित्तीय संस्थाबाट निजी क्षेत्रतर्फ जाने कर्जा ११.५ प्रतिशतसम्मले वृद्धि हुने प्रक्षेपण रहेको छ’, मौद्रिक नीतिमा भनिएको छ ।
गत वर्ष केन्द्रीय बैंकले १२.६ प्रतिशत कर्जा वृद्धि हुने प्रक्षेपण गरेको थियो । तर, कर्जा विस्तारको अवस्था करीब ६ प्रतिशतमा सीमित भएको थियो ।
चालु आर्थिक वर्षमा सरकारले बजेटमा ६ प्रतिशतको आर्थिक वृद्धि दर लक्ष्य लिएको छ ।
तर, राष्ट्र बैंकले भने कर्जा विस्तारको लक्ष्य घटाएको हो ।
Copyright © 2024 Bikash Media Pvt. Ltd.