२०७९ मंसिर ११ गते १७:४२ विकासन्युज
काठमाडौं । नेपाल स्टक एक्सचेञ्ज (नेप्से) ले सेन्चुरी कमर्शियल बैंकको सेयर कारोबार फुकुवा गरेको छ । नेप्सेले आधारभूत सेयरधनीबाहेकको सेयर कारोबार फुकुवा गरेको जनाएको छ ।
नेपाल धितोपत्र बोर्डले जारी गरेको ‘धितोपत्र दर्ता गराएका संगठित संस्था एकआपसमा गाभ्ने र गाभिने तथा प्राप्ति सम्बन्धी निर्देशिका, २०७९’ बमोजिम बैंकको सेयर कारोबार फुकुवा गरिएको नेप्सेले जनाएको छ ।
प्रभुसँग मर्जरमा जाने सम्झौता गरेपछि नेप्सेले सेन्चुरी र प्रभु दुवैको सेयर रोक्का गरेको थियो ।
दोस्रो बजारमा बैंकको सेयर मूल्य प्रतिकित्ता १९३ रुपैयाँ रहेको छ । सोही मूल्यका आधारमा सोमबारदेखि सेन्चुरी बैंकको बजारमा कारोबार हुनेछ ।
Copyright © 2024 Bikash Media Pvt. Ltd.