२०७९ कार्तिक १७ गते १८:३८ विकासन्युज
काठमाडौं । निर्वाचन आयोगका आयुक्त रामप्रसाद भण्डारीले मंसिर ४ गते हुने प्रतिनिधि सभा र प्रदेश सभा निर्वाचनको मतदान बिहान ७ बजेबाट सुरु हुने बताएका छन् ।
आयोगका निर्वाचन आचारसंहिता केन्द्रिय अनुगमन समितिका संयोजकसमेत रहेका आयुक्त भण्डारीले निर्वाचनको मतदान बिहान ७ बजेबाट सुरु हुने र मतदान शुरु हुनपूर्वको ४८ घण्टा कुनैपनि उम्मेदवार र राजनीतिक दलहरुले चुनावी प्रचारप्रसार गर्न नपाउने बताएका छन् ।
उनले आज (बिहीबार) बाट प्रचारप्रसारमा जुटिरहेका दलहरुलाई पूर्णरुपमा आचारसंहीता पालना गर्न आग्रह पनि गरेका छन् । भण्डारीले उम्मेदवार र राजनीतिक दलहरुले आचारसंहीताको सीमा नमिचिकन प्रचारप्रसार गरे निर्वाचन स्वच्छ, निष्पक्ष र भयरहित हुने बताए ।
Copyright © 2024 Bikash Media Pvt. Ltd.
