काठमाडौं । सिटिजन्स बैंकका प्रमुख कार्यकारी अधिकृत (सीईओ) गणेश पोखरेलले वार्षिक पौने २ करोड रुपैयाँ बराबरको पारिश्रमीक बुझेका छन् । बैंकले सार्वजनिक गरेको १६ औं वार्षिक प्रतिवेदन अनुसार सीईओ पोखरेलले एक वर्षको अवधिमा १ करोड ७६ लाख ३० हजार ७७६ रुपैयाँ कूल पारिश्रमीक बुझेका हुन् ।

उनले आर्थिक वर्ष २०७८/२०७९ मा तलब वापत ८४ लाख रुपैयाँ, भत्ता वापत ६० लाख रुपैयाँ, दशैंभत्ता वापत ९ लाख ५० हजार रुपैयाँ, सञ्चयकोष योगदानल वापत ८ लाख ४० हजार रुपैयाँ, विदा वापतको भुक्तानी १२ लाख २६ हजार ६६७ रुपैयाँ र अन्य २ लाख १४ हजार १०९ रुपैयाँ गरी कूल १ करोड ७६ लाख ३० हजार ७७६ रुपैयाँ बराबर पारिश्रमीक तथा भत्ता बुझेका हुन् । सीईओ पोखरेलको खुद पारिश्रमीक तथा भत्ता ९४ लाख ३८ हजार ९२० रुपैयाँ रहेको छ ।

यस्तै, बैंकले अन्य पदाधिकारीलाई आर्थिक वर्ष २०७८/२०७९ मा तलब वापत १ करोड ३४ लाख ८२० रुपैयाँ, भत्ता वापत १ करोड १९ लाख ४३ हजार ८०५ रुपैयाँ, दशैंभत्ता वापत १८ लाख १३ हजार १३५ रुपैयाँ, सञ्चयकोष योगदानल वापत १३ लाख ३१ हजार ३९४ रुपैयाँ, विदा वापतको भुक्तानी १९ लाख ६४ हजार ३ रुपैयाँ र अन्य २१ लाख ३४ हजार ६५६ रुपैयाँ गरी कूल ३ करोड २५ लाख ८७ हजार ८१३ रुपैयाँ बराबर पारिश्रमीक तथा भत्ता बुझेका हुन् ।

यस्तै, बैंकले सञ्चालक समितिलाई बैठक भत्ता वापत २५ लाख ४१ हजार रुपैयाँ भुक्तानी गरेको छ । यस्तै, सञ्चालकहरुलाई टेलिफोन तथा मोबाइल खर्च १ लाख ६८ हजार रुपैयाँ, इन्धन खर्च ४ लाख ७६ हजार ९९४ रुपैयाँ र पत्रपत्रिका वापत २ लाख ५२ हजार रुपैयाँ भुक्तानी गरेको छ । बैंकका अध्यक्षलाई कार्यालय प्रयोजनको लागि सवारी साधन सुविधा प्रदान गरिएको छ ।

सम्बन्धित शिषर्कहरु

तिब्बतमा बढिरहेको आर्थिक गतिविधिले नेपाललाई फाइदा पुग्छ : मन्त्री भण्डारी

नेपालमा भियतनामी लगानी बढाउन सरकारले सहजीकरण गर्ने

निजी क्षेत्रले प्रसारणलाइन निर्माणमा पनि महत्वपूर्ण भूमिका खेल्न सक्छ : अध्यक्ष कार्की

निर्माणाधीन संसद भवनको भौतिक प्रगति ७९ प्रतिशत, बैठक बोलाउन अझै अनिश्चितता

रोजगारदाताले काममा दैनिक ८ घण्टा लगाउनुपर्नेमा १२ घण्टा लगाउने क्रम बढेको छ : जिफन्ट

स्थानीय तह र विद्युत प्राधिकरणबीच विवाद, १६ करोड महसुल तिर्न बाँकी