काठमाडाैं । राष्ट्रिय सहकारी महासंघले तरलता अभाव हुन नदिनका लागि सहकारीको पैसा सहकारीमै राख्ने अभियानलाई स्थापित गर्ने सबै सहकारीहरुलाई अनुराेध गरेकाे छ । बिहीबार महासंघले एक सूचना जारी गर्दै यस्ताे सुझाव दिएकाे हाे ।

सहकारीकाे व्यवस्थापनलाई चुस्त, दुरुस्त र व्यवसायिक बनाउन संघ, बैंक र महासंघबाट संचालित शिक्षा तालिम र स्तरिकरण कार्यक्रममा कर्मचारीलाई नियमित सहभागी गराउन महासंघकाे सुझाव छ ।

जिल्ला, प्रदेश तथा केन्द्रिय संघ एवं राष्ट्रिय सहकारी बैंकले सदस्य संस्थाहरूसँग नियमित सम्पर्क र समन्वय गरी समस्याउन्मुख भए समाधानका लागि सहजीकरण गर्न विशेष भूमिका निर्वाह गर्ने पनि महासंघले सुझाव दिएकाे छ ।

यस्तै, महासंघले हल्ला भएजस्तो सहकारीमा गम्भीर समस्या नभएकोले आफू आवद्ध संस्थासँग नियमित सम्पर्कमा रही निश्चिन्त भएर सेवा लिन ग्राहकहरुसँग आग्रह पनि गरेकाे छ ।

यस्ता छन् महासंघका सुझाव 

१. सहकारी विभागले जारी गरेको निर्देशन अनुसार वित्तिय विवरण सार्वजनिक गर्ने र नियमित रुपमा संस्थाको कारोबार, तरलता, सम्पत्ति दायित्वको यकिन गरी जोखिम विश्लेषण गर्ने ।

२. सहकारी संघरसंस्थामा पर्याप्त तरलता कायम गरी सदस्यहरूसंग नियमित सम्पर्क समन्वय गरेर सेवा प्रवाह गर्ने गराउने ।

३. सहकारी ऐन नियमानुसार आश्विन मसान्तभित्र लेखा परिक्षण सम्पन्न गरी यथासक्य चाडो साधारण सभाको आयोजना गर्ने र सदस्यहरूवीच अधिकतम छलफल गरी विश्वस्त हुने वातावरण सिर्जना गर्ने ।

४. ऋण असुलीलाई प्राथमिकता दिई विशेष योजनाका साथ ऋणको व्याज तथा किस्ता असुलउपर गर्ने, गराउने तथा संघ र संस्थालाई प्रतिस्पर्धि र सवल बनाउन एकीकरण अभियानलाई प्राथमिकता दिने ।

५. तरलता अभाव हुन नदिनका लागि सहकारीको पैसा सहकारीमै राख्ने अभियानलाई स्थापित गर्ने, व्यवस्थापन चुस्त, दुरुस्त र क्षमतावान एवं व्यवसायिक र सुदृढ वनाउन संघ र बैंक र महासंघबाट संचालित शिक्षा तालिम र स्तरीकरण कार्यक्रममा नियमित सहभागी गर्ने गराउने ।

६. जिल्ला, प्रदेश तथा केन्द्रिय संघ एवं राष्ट्रिय सहकारी बैंकले सदस्य संस्थाहरूसंग नियमित सम्पर्क र समन्वय गरी समस्याउन्मुख भए समाधानका लागि सहजीकरण गर्न विशेष भूमिका निर्वाह गर्ने ।

७. संघ र संस्थाको प्रगति प्रतिवेदन नियामक निकाय तथा आवद्ध माथिल्लो संघ र बैक र महासंघमा नियमित रूपमा पठाउने, अन्त्यमा, सहकारी संघ र संस्थाको शीर्षस्थ निकाय यस राष्ट्रिय सहकारी महासंघ सहकारी संघरसंस्थाको हित र समस्या समाधानार्थ गम्भीर रहेको अवगत गराउँदै आगामी दिनमा समेत अभिभावकीय भूमिका निर्वाहका लागि क्रियाशिल रहिरहने कुरामा विश्वस्त हुन आग्रह गर्दछौं ।

सम्बन्धित शिषर्कहरु

महाँकाल विकासका योजना नीति तथा कार्यक्रममा समेटिने छन् : प्रधानमन्त्री

त्रिशूलीसहित पाँच नदीलाई प्लास्टिकजन्य फोहरमुक्त बनाइने

एडिबीले जलवायु परिवर्तनको असरसँग जुध्न नेपाललाई सहयोग बढाउने

दुई कम्प्लेक्सलाई ३५ दिनभित्र बहाल कर तिर्न काठमाडौं महानगरको पत्र

सूचनाको हक लोकतन्त्रप्रति भरोसा जगाउने उपयुक्त औजार : राष्ट्रपति

मधेस प्रदेशमा आगलागीबाट ४६ करोडको क्षति