काठमाडौं । सिप्रदी ट्रेडिङले टाटा नेक्सन इभीको नेपाली बजारमा बिक्री वितरण प्रारम्भ गरेको १ वर्ष पुरा भएको छ । एक वर्ष अवधिमा सो इभी अन्य कम्पनीका इभी गाडीहरुको तुलनामा धेरै नेपालीले मन पराउने गाडीको रुपमा स्थापित भएको छ ।

सिप्रदी ट्रेडिङका सेल्स हेड साओजंग सिंजापतिका अनुसार टाटाको इभि गाडी १ वर्षमा नेपालमा ७ सय वटा बिक्री भए । अहिलेपनि कम्पनीसँग नयाँ गाडी खरिदको लागि १ हजार ८ सयले बुक गरेको उनले जानकारी दिए । टाटाको इभी मध्ये धेरैले नेक्सन इभी डार्क लक्जरियस भर्सनलाई मन पराएको सिंजापति बताउँछन् ।

गाडीको डिजाइन, प्रविधि, सञ्चालन खर्च, चार्जिङ क्षमता, ब्याट्रीको आयु र सुलभ मूल्यको कारणले चालकहरुले मन पराएको कम्पनीको दाबी रहेको छ ।

‘गाडीको बिक्री एकदमै राम्रो रह्यो, सोही अनुसार यससँग सम्बन्धित भौतिक पूर्वाधार हामीले नेपालभरी नै बनाएका छौं । चार्जिङ देखि रिपेयरिङ स्टेशन देशभरी नै बनाएका छौं,’ कम्पनीका सिइओ राजनबाबु श्रेष्ठले विकासन्युजलाई बताए । श्रेष्ठले कम्पनीले मागको चापलाई सम्बोधन गर्न नसकेको र त्यो पनि विस्तारै सुधार हुँदै गएको बताए ।

कम्पनीले नेपालमा शुरुमा गाडी लन्च गर्दाखेरीको अवस्थामा कायम भएको बिक्री मूल्य र अहिलेको अवस्थामा झण्डै २ लाख रुपैयाँ बराबरको फरक परेको उनले बताए । ‘जतिजनाले गाडी लिनुभयो उहाँहरु असाध्यै खुसी हुनुभयो, उहाँहरुले खुसी भएर नै रेस्पोन्स गरिरहनुभएको छ,’ श्रेष्ठले भने ।

कम्पनीले अहिलेसम्म १६ ठाउँमा फास्ट चार्जिङ स्टेशन, १ सय ५० ठाउँमा एसी चार्जर स्टेशन र १५ ठाउँमा सम्पूर्ण सर्भिस दिनसक्ने सर्भिस सेन्टर निर्माण गरेको छ । ‘हामीले चार्जिङ स्टेशन र सर्भिस सेन्टरको लागि पुरै नेपाल नै कभर गरिसकेका छौं,’ श्रेष्ठले भने ।

नेपालमा टाटाको टिगोर इभी, नेक्सन इभी डार्क र नेक्सन इभी उपलब्ध रहेका छन् । कम्पनीले उपभोक्ताहरुलाई बिक्री गरेको १ वर्षमा सर्भिसको क्षेत्रमा धेरै गुनासो नआएको सिप्रदी ट्रेडिङका सर्भिस हेड कपिल क्षेत्री बताउँछन् । चार्जिङमा चालकहरुले अपनाउनुपर्ने नियम नअपनाउँदा केही समस्या आएको क्षेत्रीको भनाइ छ ।

‘केही चालकहरुले फास्ट चार्जिङ मात्रै गर्ने र स्लो चार्जिङलाई ध्यान नदिँदा समस्या आउन सक्छ, कम्तिमा चारपटक फास्ट चार्जिङ गरेपछि एकपटक स्लो चार्ज गर्नुपर्छ । यो ब्याट्रीको जीवनको लागि महत्वपूर्ण कुरा हो,’ क्षेत्रीले भने । पछिल्लो समयमा कम्पनीले सफ्टवेयर समेत अपग्रेड गरेको उनको भनाइ छ ।

सम्बन्धित शिषर्कहरु

सर्वोच्चद्धारा विज्ञापन नियमावली खारेज गर्न अस्विकार

राष्ट्रिय प्रतिरक्षा विश्वविद्यालय पूर्वाधार विकास समितिको म्याद एक वर्ष थप्ने निर्णय

घरजग्गामा बैंकहरूको लगानी ६२५ अर्ब, समस्या समाधान गर्न माग

नेप्से १५.६२ अंकले घटेर १९५८ विन्दुमा, विकास बैंकबाहेक सबै उपसूचक राताम्य

पर्यटकीय राजधानीमा बसाइ लम्ब्याउन भ्यू फेवा, राउन्ड फेवा पदमार्ग

हिरासत छलेर अस्पतालमा बस्ने प्रवृत्ति रोक्न गृहको तीन बुँदे मापदण्ड जारी