२०७९ जेठ १५ गते २१:४३ विकासन्युज
काठमाडौं । सरकारले आगामी आर्थिक वर्षमा हवाई पूर्वाधार निर्माणमा १२ अर्ब रुपैयाँभन्दा बढी खर्च गर्ने भएको छ ।
अर्थमन्त्री जनार्दन शर्माले आगामी आर्थिक वर्षको बजेट सार्वजनिक गर्दै यस्तो जानकारी दिएका हुन् । मन्त्री शर्माका अनुसार हवाई पूर्वाधार निर्माणमा सरकारले आगामी आर्थिक वर्षमा १२ अर्ब २४ करोड रुपैयाँ बजेट खर्च गर्दैछ ।
यस्तै, सांस्कृति सम्पदा पुननिर्माणमा २ अर्ब रुपैयाँ, पर्यटन पूर्वाधार विकास कार्यक्रम ९० करोड रुपैयाँ र ग्रेट हिमालयन ट्रेलको लागि ३३ करोड रुपैयाँ बजेट विनियोजन गरिएको मन्त्री शर्माले जानकारी दिए । सरकार टीआईएको दोस्रो टर्मिनल बनाउन २ अर्ब २० करोड रुपैयाँ बजेट विनियोजन गरेको छ । हवाई पूर्वाधार बाहेक संस्कृति पर्यटन तथा नागरिक उड्डयन मन्त्रालयको कुल बजेट ९ अर्ब ३८ करोड रुपैयाँ छ ।
Copyright © 2024 Bikash Media Pvt. Ltd.