प्रुडेन्सियल इन्स्योरेन्सको ७ प्रतिशत बोनस सेयर पारित
२०७९ वैशाख ११ गते १३:५४ विकासन्युज
काठमाडौं । निर्जीवन बीमाको कारोबार गर्दै आएको प्रुडेन्सियल इन्स्योरेन्स कम्पनी लिमिटेडको बीसौं साधारण सभा आज दियालो लर्डस प्लाजा, वीरगञ्ज, पर्सामा सम्पन्न भएको छ ।
साधारण सभाले सञ्चालक समितिको तर्फबाट अध्यक्ष विशाल अग्रवालद्वारा प्रस्तुत आर्थिक वर्ष २०७७/७८ को वार्षिक प्रतिवेदन सर्वसम्मत पारित गरेको छ ।
कम्पनीको सञ्चालक समितिले प्रस्तावको कम्पनीको बीसौं वार्षिक साधारणसभाबाट ७ प्रतिशत बोनस सेयर र ०.३६ प्रतिशत नगद लाभांश दिने प्रस्ताव पारित भएको छ ।
साविक १ अर्ब १० करोड ८५ लाख ४६ हजार ५६० चुक्तापुँजीबाट बोनश सेयरपश्चात कम्पनीको चुक्ता पुँजी एक अर्ब १८ करोड ८१ लाख ४४ हजार ८१९ हुने कम्पनीले जनाएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.