काठमाडौं । मोटरहेड बाइकको आधिकारीक बिक्रेता एसएलआर टेक्नो एन्ड ट्रेड प्रालिले शनिबार राइडरलाई सहभागी गराएर एड्भेन्चर साइड सम्पन्न गरेको छ । कम्पनीले पहिलो पटक आमन्त्रणात्मक मोटरसाइकल यात्रा सम्पन्न गरेको हो ।

मोटरहे बिक्री प्रबन्धक सुरेन्द्र कार्की र जेनेसिस एडभेन्चर टुरका प्रबन्धक रूपक रोक्काले काठमाडौंको धोविघाटदेखि मेलम्चीको चिसापानीसम्मको यात्राको नेतृत्व गर्दै मोटरसाइकलमा रमणीय दृश्य हेर्दै घुमाउँदै उक्त सोरुमका चालक, पत्रकार र प्रभावशाली व्यक्तिहरूसँगै यात्रा गरेका थिए ।

जेनेसिस क्याफेले उक्त राइडको व्यवस्थापन गरेका मोटरहेड मोटरसाइकल बिक्री प्रबन्धक सुरेन्द्र कार्कीले जनाए । यो रोमाञ्चक मोटरसाइकल यात्रामा ८ जना राइडरले सो दिनमा ८६ किलोमिटर यात्रा गरेका छन् । यात्रामा राइडर सहित ११ जनाको उपस्थित थियो ।

प्रबन्धक कार्कीका अनुसार अफ रोड मोटरसाइकल किन्ने ग्राहकलाई रमाइलो गराउनको लागि उक्त यात्रा तय गरिएको हो । मोटरहेडले विगत पनि नियमित रूपमा राइड आउटको आयोजना गर्दै आएको छ ।

‘यो अफरोड मोटरसाइकल हो, यसमा सोरुमका कर्मचारी, पत्रकार, ग्राहकहरूसँग बसेर यात्रा गर्ने योजना केही महिना अगाडि बनाएका थियौं, राइडरहरुसँग बलियो सम्बन्ध गाँस्नु हाम्रो एउटै मात्र चाहना हो,’ उनले भने ।

उक्त मोटरसाइकलले सुरक्षा र कम्फोर्टमा कुनै सम्झौता नगरी राइडिङ थ्रिलको अनुभूति दिलाउँछ । चिनियाँ ब्रान्डको अफरोड बाइक मोटरहेड मोटरसाइकल एसएलआर टेक्नो एन्ड ट्रेड कम्पनीले विगत ५ वर्षदेखि मोटरहेड ब्रान्डको डार्ट, क्रसओभर र स्क्र्याम्ब्लर सेग्मेन्टका बाइकलाई बिक्री गर्दै आएको छ ।

फराकिलो र ठुलो टायर, उच्च ग्राउन्ड क्लियरेन्स, उच्चतम पर्फमेन्स र आरामदायी फिचर्स भएको मोटरहेड मोटरसाइकल नेपालको सबै भूगोलका लागि उपयुक्त हुनुको साथै युवाहरू माझ लोकप्रिय बन्दै गएको छ ।

हामीलाई आशा छ, यो यात्राले राइडरलाई लाईफ टाइम एक्सपिरियन्स दिनेछ र आफूहरूबिच पनि अद्वितीय भातृत्वको विकास गराउने प्रबन्धक कार्कीले जनाए । सडक र रमणीय स्थानहरूले निश्चित रूपमा मोटरहेड मोटरसाइकलको आकर्षण र सम्भाव्यतालाई अझ बढाउन सक्छ ।

यस्तै, राइडर विकास के.सी भन्छन् आजको यात्रा अविस्मरणीय रह्यो, यस्तो यात्रा तय गर्नाले विभिन्न ठाउँको अवलोकन गर्न सकिनेछ, बेला बखतको यो रमाइलो यात्राले मन पनि हर्षित भएको छ ।

आफ्ना ग्राहकलाई कोरोनाकालमा दैनिक जीवनयापन, व्यावसायिक गतिशीलताका विषयमा अन्तक्रिया, आन्तरिक पर्यटन प्रवर्द्धक र सडक सुरक्षा सम्बन्धमा जनचेतना प्रवाह गर्ने उद्देश्यका साथ शनिवार उक्त राइड कार्यक्रम आयोजना गरिएको जेनेसिस एडभेन्चर टुर प्रबन्धक रूपक रोक्काले बताए ।

सम्बन्धित शिषर्कहरु

८५ प्रतिशत जापानी सामाजिक सञ्जाल नियमनको पक्षमा

तुम्लिङटार विमानस्थलमा १२ दिनदेखि उडान ठप्प

गोदाममै सड्यो करोडौंको चिनी

बागमती सिँचाइ आयोजना ब्यारेजको तीन दशकछि जीर्णोद्धार

महाँकाल विकासका योजना नीति तथा कार्यक्रममा समेटिने छन् : प्रधानमन्त्री

त्रिशूलीसहित पाँच नदीलाई प्लास्टिकजन्य फोहरमुक्त बनाइने