२०७८ माघ २५ गते १८:०६ विकासन्युज
काठमाडौं । नेपाल राष्ट्र बैंकले क्रिप्टोकरेन्सी तथा नेटवर्क मार्केटिङमा कारोबार नगर्न आग्रह गरेको छ । राष्ट्र बैंकले मंगलबार वित्तीय साक्षरता सम्बन्धी सूचना जारी गर्दै क्रिप्टोकरेन्सी, हाइपर फण्ड लगायत भर्चुअल करेन्सीको कारोबार नगर्न आग्रह गरेको हो ।
विश्वव्यापी रूपमा क्रिप्टोकरेन्सीको प्रयोग तथा कारोबार बढ्दै गएको भन्दै नेपाल राष्ट्र बैंकले स्वदेश तथा विदेशमा रहेका नेपालीहरूलाई सचेत रहन आग्रह गरेको हो ।
छोटो अवधिमा उच्च प्रतिफल पाउने प्रलोभनमा परी क्रिप्टोकरेन्सीको प्रयोग, यससँग सम्बन्धित लगानी र नेटवर्क मार्केटिङ व्यवसायमा आबद्ध हुँदा लगानी डुब्ने उच्च जोखिम हुने राष्ट्र बैंकले जनाएको छ।
यस्तै, क्रिप्टोकरेन्सी प्रयोग गर्दा विभिन्न चुनौति रहेको बताएको छ । सम्पत्ति शुद्धीकरण तथा आतङ्कवादी क्रियाकलापमा लगानीसम्बन्धी जोखिमको कारोबारमा सम्पत्ति शुद्धीकरण तथा आतङ्ककारी क्रियाकलापमा लगानीसम्बन्धी उच्च जोखिम हुने राष्ट्र बैंककोृ भनाई छ ।
Copyright © 2024 Bikash Media Pvt. Ltd.