काठमाडौं । नेपाल बैंकले डलरमा खाता खोल्नेलाई आकर्षक व्याजदर दिने भएको छ । बैंकले अमेरिकी डलर, पाउण्ड स्टर्लिङ्ग र अष्ट्रेलियन डलरमा बचत तथा मद्दती खाता खोल्दा उच्चतम व्याज दिने भएको हो ।

बैंकले अमेरिकी डलरमा बचत तथा मद्दती खाता खोल्दा वार्षिक व्याजदर क्रमश ४.५ प्रतिशत र ५ प्रतिशत दिने बताएको छ । साथै, अन्य विदेशी मुद्राको निक्षेपमा पनि आकर्षक व्याजदर दिने व्यवस्था गरिएको बैंकले जनाएको छ ।

बैंकले गैर-आवासीय नेपालीहरुलाई लक्षित गरी आकर्षक सविधाहरु सहितका एनआरएन निक्षेप खाताहरु संचालनमा ल्याएको हो । यससँगै विदेशमा बस्ने गैर-आवासीय नेपालीहरुले अब अनलाइनबाटै नेपाल बैंकमा विदेशी मुद्रामा बचत र मद्दती खाता खोल्न सक्नेछन् ।

बचत तथा मुद्दती खाता दुबैमा न्युनतम मौज्दात अमेरिकी डलर ५ हजार वा सो बराबरको अन्य विदेशी मुद्रा हुनुपर्ने बैंकले जनाएको छ । एनआरएन खाता गैर-आवासीय नेपालीहरुले एकल तथा संयक्तरुपमा तथा गैर आवासीय नेपालीबाट प्रबर्द्धित विदेशस्थित संस्थाको नाममा पनि खोल्न सकिनेछ ।

त्यस्तै, यो खाता खोल्नको लागि नेपाल सरकारको सम्बन्धित निकायबाट जारी भएको गैर-आवासीय नेपालीको अद्यावधिक परिचयपत्रको प्रतिलिपि समावेश गर्नुपर्दछ । साथै, बैकिङ्ग प्रणालीबाट मात्र रकम जम्मा गर्न र फिर्ता गर्न सकिनेछ भने मुद्दती खाता कम्तिमा १ वर्ष वा सो भन्दा बढि अवधिको लागि खोल्न सकिन बैंकले जनाएको छ ।

सम्बन्धित शिषर्कहरु

आयातमा कर बढाउँदा दालको मूल्य बढ्ने, स्वदेशी उद्योग बन्द हुने

राष्ट्रपति पौडेल स्वीटजरल्याण्ड र जर्मनी भ्रमणमा जाने

कसैको मुख हेरेर करका दर हेरफेर गरिएको छैन : अर्थमन्त्री

कोमाकी ब्रान्डका स्कुटर र मोटरसाइकलको मूल्य घट्यो

कुल लेखापरीक्षणको १.८९ प्रतिशत बेरुजु देखिएको छ : महालेखापरीक्षक राय

सिटिजन्स बैंकको ‘पार्टनर फर प्रोग्रेस’ भिडियो प्रतिस्पर्धा, उत्कृष्ट हुनले ५० हजार पाउने