२०७८ मंसिर १९ गते १७:४० विकासन्युज
काठमाडौं । नेपालका लागि होण्डा कारको आधिकारिक विक्रेता स्याकार ट्रेडिङ्ग कम्पनीले स्टाईल, पर्फमेन्स र सुरक्षालाई समावेश गरी होण्डाको एमएमसि एमेज २०२१ लाई नेपाली बजारमा लन्च गरेको छ ।
कम्पनीको अनुसार यस नयाँ एमेज २०२१ मा रहेको एड्भान्स एलइडी प्रोजेक्टर हेडल्याम्प र त्यसैमा रहेको एलइडी डिआरएलस्का साथै नयाँ एड्भान्स फ्रन्ट फग ल्याम्प निकै आकर्षक रहेको छ ।
नयाँ एमेज पेट्रोल र डिजल दुवै भेरियन्टका साथ ७ स्पिड सीभीटी गियर बक्समा उपलब्ध छ । यसका साथै यसमा डायमन्ड कट् टू टोन मल्टी स्पोक आर–१५ एलोय व्हील, रियर मल्टिभ्यू क्यामेरा पनि रहेको छ ।
कम्पनीको अनुसार यस कारले सुरक्षाका लागि एनसीएपीबाट चार स्टार सेफ्टी रेटिङ प्राप्त गरेको छ ।
अटोमेटिक हेडलाइट कन्ट्रोलका साथ लाइट सेन्सर, प्रिमियम सी सेप्ड एलईडी कम्बिनेसन ल्याम्प, क्रोम डोर ह्यान्डल यसको विशेषता रहेको हो ।
Copyright © 2024 Bikash Media Pvt. Ltd.
