मेगा बैंकले मंसिर २८ गते बोलायो साधारणसभा, तोक्यो बुक क्लोजको मिति
२०७८ मंसिर ७ गते ११:४४ विकासन्युज
काठमाडौं । मेगा बैंकले आगामी मंसिर २८ गते वार्षिक साधारण सभा बोलाएको छ । बैंकले सो दिन बिहान ११ः१५ बजे काठमाडौंको कमलादीस्थित नेपाल प्रज्ञा प्रतिष्ठानमा बोलाएको हो ।
उक्त सभामा जाने प्रयोजनको लागि संस्थाले आगामी मंसिर १४ गते एक दिन बुक क्लोज गर्दै छ । यससँगै मंसिर १३ गतेसम्म कायम सेयरधनीले बैंकको प्रस्तावित लाभांश पाउने छन् ।
सभाले गत आर्थिक वर्ष २०७७/७८ को नाफाबाट सेयरधनीलाई १२.०२ प्रतिशत लाभांश (१० प्रतिशत बोनस र २.०७ प्रतिशत नगद) प्रस्तावलाई पारित गर्दै छ ।
त्यस्तै, सभाले मर्जर तथा एक्विजिसनसँग सम्बन्धित आवश्यक सम्पूण कार्य गर्न सञ्चालक समितिलाई अख्तियारी दिने छ ।
सम्बन्धित शिषर्कहरु
Copyright © 2024 Bikash Media Pvt. Ltd.