२०७८ मंसिर १ गते ११:२२ विकासन्युज
काठमाडौं । मेगा बैंकको प्रस्तावित लाभांश संशोधन भएको छ । मंसिर १ गते बिहान बसेको बैंक सञ्चालक समितिको बैठकले प्रस्तावित गत आर्थिक वर्षको लाभांश संशोधन गरेको हो ।
बैंकले सेयरधनीलाई कूल १२.०७ प्रतिशत बोनस सेयर मात्रै दिने प्रस्ताव गरेको थियो । संशोधन प्रस्ताव अनुसार बैंकले नगद लाभांश पनि वितरण गर्ने भएको छ ।
बैंकले गत आर्थिक वर्ष २०७७/७८ को नाफाबाट हाल कायम रहेको चुक्ता पुँजीको १० प्रतिशत बोनस सेयर र २.०७ प्रतिशत नगद गरी कूल कूल १२.०७ प्रतिशत लाभांश वितरण गर्ने प्रस्ताव गरेको छ । यसअघिको प्रस्तावित बोनसमा नगद लाभांश छुट्याउँदा बोनसदर घट्न पुगेको हो ।
बैठकको प्रस्तावलाई नेपाल राष्ट्र बैंकले स्वीकृत तथा बैंकको वार्षिक साधारण सभाले पारित गरेपछि मात्रै सेयरधनीले सो मात्राको लाभांश पाउनेछन् ।
Copyright © 2024 Bikash Media Pvt. Ltd.