२०७८ असोज १२ गते १४:२७ विकासन्युज
काठमाडौं । अमेरिकाको डीयर एण्ड कम्पनीको सहायक कम्पनी जोन डीयरले ५० एचपी फोर हिव्लड्राइभ भएको नयाँ ट्रयाक्टर नेपाली बजारमा ल्याएको छ । कम्पनीकाे आधिकारिक बिक्रेता विवेक अटोमोवाइल्स प्रालिले मंगलबार एक समारोहबीच उक्त गाडीको बिक्रीवितरण सुरु गरेको हो ।
यो ट्रयाक्टर अत्याधुनिक प्रविधिसहितको विभिन्न विशेषता भएको हुनाले किसान समुदायको उत्पादकत्व बढाई आम्दानी बढाउने कम्पनीको दावी छ ।
उक्त समाहरोहमा जेडिआइपिएलका विक्री तथा मार्केटिङ्ग निर्देशक सत्यन शाहले विवेक अटोमोबाइल्ससँगको लामो सहयात्रामा यो एतिहासिक क्षण भएको बताए । ट्रयाक्टरको विशेषाता तथा उपभोक्ता मैत्री सेवाले नै सपफलता हालत लागेकाे बताए । विवेक अटोमोबाइल्सका देशैभरी छरिएर रहेको विक्री तथा सेवा केन्द्रहरुकाे पनि सफलतामा देन रहेकाे बताए ।
डीयर एण्ड कम्पनी विश्वमै अत्याधुनिक प्रविधीयुक्त वस्तु उत्पादन गर्ने तथा उपभोक्तालाई उत्कृष्ट सेवा दिने कम्पनीको नाममा परिचित छ । कम्पनीले १८३७ देखि नै खेतिपाती तथा कन्सट्रक्सनको लागि विशेषतायुक्त साधानहरु ल्याउँदै आएको छ ।
Copyright © 2024 Bikash Media Pvt. Ltd.