हल्दीयबाट ३५ घण्टा लामो यात्रा गरेर वीरगन्ज आईपुग्यो पहिलो निजी कार्गो रेल
२०७८ भदौ ३० गते ११:५४ विकासन्युज
काठमाडौं । नेपाल भारत रेल सेवा सुरुआतको १७ वर्ष पछि पहिलो पटक भारतबाट निजी क्षेत्रको कार्गो रेल बुधबार नेपाल आईपुगेको छ ।
नेपाल इन्टरमोडल यातायात विकास समितिका अनुसार हिम्ड टर्मिनल प्रालीको एक ¥याकको कार्गो रेल बुधबार बिहान १० बजे वीरगन्जस्थित सुख्खा बन्दरगाह आईपुगेको हो ।
वाणिज्य तथा आपूर्ति मन्त्रालयका अनुसार कंकोरबाहेक अन्य रेलले पनि नेपालमा सामान ल्याउन सक्ने व्यवस्था भए पछि निजी रेलले मंगलबार हल्दिया बन्दरगाहबाट सामान लिएर बुधबार वीरगंज आइपुगेको हो ।
हल्दियबाट खाद्यन्नको २० फिट अग्लो ९० वटा कन्टेनर बोकेको रेल वीरगन्जस्थित सुख्खा बन्दरगाह आईपुगेको इन्टरमोडल यातायात विकास समितिका कार्यकारी निर्देशक आशिष गजुरेलले जानकारी दिए ।
नेपाल भारतबीच सन् २००४ मा भएको रेल सेवा सम्झौताले रेलमार्फत हुने ढुवानीमा भारतीय कन्टेनर निगम (कोन्कर) लाई एकाधिकार दिइएको को थियो । भारतीय कन्टेनरको एकाधिकार तोड्दै ३ महिनाअघि मात्रै सम्झौता संशोधन गरिएको थियो ।
सो सम्झौता पश्चात पहिलो पटक नेपालमा निजी क्षेत्रका रेलले पनि सेवा सञ्चालन गर्न पाउने बाटो खुलेको हो ।
निजी क्षेत्रको रेलले सेवा दिन पाउने गर भएको सम्झौताको २ महिना ६ दिनमा पहिलो निजी रेल नेपाल आएको उद्योग वाणिज्य तथा आपूर्ति मन्त्रालयले जनाएको छ ।
सम्बन्धित शिषर्कहरु
Copyright © 2024 Bikash Media Pvt. Ltd.