२०७८ असार ९ गते १४:५४ विकासन्युज
काठमाडौं । आन्तरिक राजस्व विभागका तत्कालीन महानिर्देशक चुडामणी शर्मासहित ३ जना विरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको छ ।
शर्मासहित तत्कालीन कर फर्छ्योट आयोगका पदाधिकारी लुम्बध्व महत र उमेशप्रसाद ढकालविरुद्ध अख्तियारले भ्रष्टाचार मुद्दा दायर गरेको हो ।
उनीहरुले कानून विपरीत व्यक्तिगत फाइदाको लागि १ अर्ब ३३ लाख २० हजार ५ सय ८५ रुपैयाँ कर छुट दिएको आरोप पुष्टि भएर भ्रष्टाचार मुद्दा दायर गरिएको विभागले जनाएको छ ।
२०७१ सालमा कर तिर्नै नसक्ने अवस्थामा पुगेका सरकारी र निजी कम्पनीलाई कर छुट दिन कर फछ्यौट आयोग गठन भएको थियो । तीन सदस्यीय आयोगमा शर्मा, महत र ढकाल सदस्य थिए ।
Copyright © 2024 Bikash Media Pvt. Ltd.
