चीन सरकारले अनुदानमा दिएको खोप नेपाल आइपुग्यो
२०७८ जेठ १८ गते १५:०६ विकासन्युज
काठमाडौं । चीन सरकारले अनुदान स्वरुप दिएको कोभिड–१९ विरुद्धको खोप नेपाल आइपुगेको छ । नेपाल वायुसेवा निगमको जहाजले ८ लाख डोज खोप नेपाल ल्याएको हो ।
त्रिभुवन अन्तर्राष्ट्रिय विमानस्थल कार्यालयका अनुसार निगमको जहाजले मंगलबार दिउँसो साढे २ बजे चिनियाँ खोप ल्याएको हो ।
राष्ट्रपति विद्यादेवी भण्डारीसँग अघिल्लो हप्ता भएको कुराकानीमा चीनका राष्ट्रपति सी जिनपिङले १० लाख डोज खोप अनुदानमा दिने घोषणा गरेका थिए ।
सोही अनुसार मंगलबार निगमको जहाजे ८ लाख डोज र हिमालय एयरलाइन्सले ५० हजार डोप खोप नेपाल ल्याइसकेका छन् । हिमालयले बाँकी रहेको खोप बुधबारसम्म ल्याइसक्ने जनाएको छ । हिमालयले २ लाख डोप खोप निशुल्क कार्गाे उडान गरी ल्याउने घोषणा गरिसकेको छ ।
यसअघि चीनले अनुदानमा दिएको ८ लाख डोज खोप नेपालमा ल्याई प्रयोगसमेत भइसकेको छ ।
सम्बन्धित शिषर्कहरु
Copyright © 2024 Bikash Media Pvt. Ltd.