२०७७ चैत २९ गते १६:४० विकासन्युज
काठमाडाैं । आइतबार नेपालभर ३०३ जना काेराेना संक्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा पीसीआर परिक्षण गर्दा ३०३ जना संक्रमित थपिएका हुन् ।
यस्तै उपत्यकामा मात्रै १५४ जना संक्रमित भेटिएका छन् जसमा काठमाडाैंकाे १२८, ललितपुरकाे १५ र भक्तपुरकाे ११ जना रहेका छन् ।
यो सहित नेपालमा कोरोना संक्रमित हुनेको संख्या २ लाख ८० हजार २८ जना पुगेको छ भने सक्रिय संक्रमितकाे संख्या २ हजार ९६१ पुगेकाे छ ।
नेपालमा आजसम्म २३ लाख १२ हजार ९०१ जनाको पीसीआर विधिबाट परिक्षण भएको छ । यस्तै आज १४१ जना निकाे भएसँगैं हालसम्म २ लाख ७४ हजार २०७ जना निकाे भएर घर गइसकेका छन ।
पछिल्लाे २४ घण्टामा एक जनाकाे काराेनाकाे कारण मृत्यु भएकाे छ ।
Copyright © 2024 Bikash Media Pvt. Ltd.
