२०७७ फागुन ४ गते १६:४२ विकासन्युज
काठमाडौं । नेशनल माइक्रोफाइनान्स लघुवित्त वित्तीय संस्थाको आगामी फागुन १४ गतेदेखि बुक क्लोज हुने भएको छ । संस्थाले साधारणसभामा जाने प्रयोजनको लागि सो दिनदेखि चैत ५ गतेसम्म बुक क्लोज गर्न लागेको हो ।
यससँगै फागुन १३ गतेसम्म कायम सेयरधनीले संस्थाको लाभांश पाउने छन् र सभामा भाग लिन पाउने छन् । लघुवित्तको वार्षिक साधारणसभा आगामी चैत ५ गते बिहीबार बस्दै छ ।
उक्त सभाले सेयरधनीलाई लाभांश वितरण गर्ने सञ्चालक समितिको प्रस्तावलाई पारित गर्दै छ । संस्थाले चुक्ता पुँजीको २१ प्रतिशत बोनस र ६ प्रतिशत नगद गरी २७ प्रतिशत लाभांश प्रस्ताव गरेको छ ।
हाल संस्थाको चुक्ता पुँजी २६ करोड ४० लाख रुपैयाँ रहेको छ । २१ प्रतिशत बोनसपछि संस्थाको चुक्ता पुँजी ३१ करोड ९४ लाख रुपैयाँ नाघ्ने छ ।
Copyright © 2024 Bikash Media Pvt. Ltd.