काठमाडौं । सेन्ट्रल फाईनान्सको प्रस्तावित १० प्रतिशत लाभांश पारित भएको छ । माघ २३ गते सम्पन्न संस्थाको २४औं वार्षिक साधारणसभाले सञ्चालक समितिको उक्त प्रस्तावलाई पारित गरेको हो ।

यससँगै लगानीकर्ताले आर्थिक वर्ष २०७६/७७ को नाफाबाट ७ प्रतिशत बोनस सेयर र ३ प्रतिशत नगद लाभांश पाउने छन् ।

संस्थाको चुक्ता पुँजी ८२ करोड ३३ लाख रुपैयाँ, निक्षेप ५ अर्ब २८ करोड २७ लाख रुपैयाँ र कर्जा लगानी ३ अर्ब ५८ करोड १० लाख रुपैयाँ रहेको छ ।

ललितपुरको कुपण्डोलमा केन्द्रिय कार्यालय रहेको सेन्ट्रल फाईनान्सको काठमाडौंको चावहिल र गोंगबु गणेशस्थान, चितवनको नारायणगढ, रुपन्देहीको बुटवल, भक्तपुरको च्यामासिंह र सल्लाघारी, महोत्तरीको बर्दिबास, नवलपरासीको बर्दघाट र बाराको सिमरा, सिन्धुलीको भिमान र डकाहा, सर्लाहीको लालबन्दी, धनुषाको जनकपुरधाम समेत हाल शाखा संख्या १४ सञ्चालनमा रहेको तथा झापाको बिर्तामोड, सुनसरीको इटहरी र पर्साको बिरगंज शाखा छिटै सञ्चालनमा ल्याउने गरी तयारी भईरहेको र भविष्यमा थप शाखा खोली शाखा सञ्जाल र कार्यक्षेत्र थप विस्तार गरिने प्रमुख कार्यकारी अधिकृत रजोज मान श्रेष्ठले बताए ।

उनले ललितपुरको कुपण्डोलस्थित संस्थाको कर्पोरेट भवन निर्माण भईसकेको र छिटै केन्द्रिय कार्यालय सारिने तथा प्रविधिको उच्चतम प्रयोग गरी थप आधुनिक सेवा प्रदान गर्दै लैजाने पनि सभामा जानकारी दिए ।

सम्बन्धित शिषर्कहरु

निजी क्षेत्रको कर्जा प्रवाह १५ प्रतिशतले बढ्नुपर्छ : अध्यक्ष अग्रवाल

बजेटमा घोषणा गरिएका कार्यक्रमहरू बजेटमै सिमित नहोस् : अध्यक्ष अग्रवाल

बजेटमा सम्बोधन भएका निजी क्षेत्रका मागको सफल कार्यान्वयन हुनुपर्छ : अध्यक्ष ढकाल

‘राष्ट्र बैंकले थप खुकुलो मौद्रिक नीति अघि सार्छ, कर्जाको वृद्धिदर १२ प्रतिशत पुग्छ’

बजेट स्वागतयोग्य छ, सबै मिलेर कार्यान्वयन गरौं : अध्यक्ष केसी

मधेस प्रदेशमा १ अर्ब ८५ करोड रुपैयाँको बेरुजु