२०७७ मंसिर २३ गते १२:०० विकासन्युज
काठमाडौं । साना किसान विकास लघुवित्त वित्तीय संस्थाले गत आर्थिक वर्षको लाभांश घोषणा गरेको छ । संस्थाले गत आर्थिक वर्ष २०७६/७७ को नाफाबाट सेयरधनीलाई २६.३१५७ प्रतिशत लाभांश वितरण गर्ने घोषणा गरेको हो ।
मंसिर २३ गते बिहान बसेको संस्थाको सञ्चालक समितिको बैठकले उक्त प्रस्ताव गरेको हो । बैठकले सेयरधनीलाई २५ प्रतिशत बोनस र १.३१५७ नगद(कर प्रयोजनको लागि) गरी २६.३१५७ प्रतिशत लाभांश प्रस्ताव गरेको हो ।
हाल कम्पनीको चुक्ता पुँजी एक अर्ब रुपैयाँ रहेको छ । २५ प्रतिशत बोनस पछि कम्पनीको चुक्ता पुँजी एक अर्ब २५ करोड रुपैयाँ नाघ्ने छ ।
संस्थाले अघिल्लो आर्थिक वर्षको नाफाबाट २८.६८४ प्रतिशत लाभांश (२७.२५ प्रतिशत बोनस र १.४३४ प्रतिशत नगद) वितरण गरेको थियो ।
Copyright © 2024 Bikash Media Pvt. Ltd.