२०७७ मंसिर १८ गते १९:१० विकासन्युज
काठमाडौं । नेपाल राष्ट्र बैंकका अगर्नर महाप्रसाद अधिकारीले बैंक तथा वित्तीय संस्थाहरुले निक्षेपको व्याजदर घटाएकोप्रति चिन्ता व्यक्त गरेका छन् । बुधबार नेपाल राष्ट्र बैंकले चालु बर्षको पहिलो त्रैमासिकको मौद्रिक नीति समिक्षा कार्यक्रममा बाेल्दै उनले निक्षेपको व्याजदर घटाइएको प्रति चिन्ता व्यक्त गरेका हुन् ।
‘अहिले कर्जाको व्याज घट्दा व्यवसायीको मनोवल बढेको छ, तर त्यसमा निक्षेपको पनि व्याजदर घटेको छ,यसले निक्षेपकर्ताको मनोवल घटाउँछ, यसले ल्याउने समस्या समाधान तर्फ हामी लाग्नेछौं,’ उनले भने ।
अधिकारीले मौद्रिक नीतिको पहिलो त्रैमासिक समीक्षामा निक्षेपकर्ताहरुको व्याजदर सीमाभन्दा तल नझरोस् भन्ने उदेश्य सहित मौद्रिक नीति समीक्षाको कार्यदिशा तय भएको बताए ।
यस्तै, उनले मुद्ति निक्षेप र बचत खाताबीचको व्याजअन्तर ५ प्रतिशतभन्दा बढि हुन नहुने ब्यवस्था गरिएको पनि बताए ।
Copyright © 2024 Bikash Media Pvt. Ltd.