२०७७ मंसिर १० गते ११:३३ विकासन्युज
काठमाडौं । सिभिल बैंक लिमिटेडले १० वर्ष पूरा गरेको अवसरमा १० जना कोरोना संक्रमितलाई प्लाज्मा दान गर्ने बताएको छ ।
बैंकले १० वर्ष पूरा गरेको अवसरमा कोरोना संक्रमित भई निको भएका १० जना कर्मचारीहरुबाट कोरोना संक्रमितलाई प्लाज्मा दान गर्ने बैंकका प्रमुख कार्यकारी अधिकृत (सीईओ) गोविन्द गुरुङले जानकारी दिए ।
उनले बुधबार बैंकको १०औं वार्षिकोत्सवमा बोल्दै १० जना कर्मचारीबाट प्लाज्मा दान गर्ने बताएका हुन् । यस्तै उनले टुँडीखेलमा खाना खानेलाई १० दिन निःशुल्क खाना खुवाउने पनि जानकारी दिए ।
कम्तिमा १० जना कोभिड-१९ संक्रमितलाई बचाउन सकिन्छ भन्ने सोचले प्लाज्मा दान गर्न लागिएको उनले बताए ।
देशभर सिभिल बैंकका २ सय जना कर्मचारीहरु कोरोना संक्रमित भएका थिए । जसमध्ये एक जना सुरक्षा गार्डको निधन पनि भएको थियो ।
Copyright © 2024 Bikash Media Pvt. Ltd.
