२०७७ जेठ २४ गते १४:५० विकासन्युज
काठमाडौं । भारतबाट आएका एक जना युवकको चितवनस्थित भरतपुर अस्पतालको भेन्टिलेटरमा उपचारको क्रममा मृत्यु भएको छ ।
ज्वरोसँगै श्वासप्रश्वासमा समस्या देखिएका २७ वर्षीय ती युवकको शनिबार मृत्यु भएको अस्पतालले जनाएकाे छ । बिहान एक्कासी समस्या देखिएपछि भेन्टिलेटरमा सारे पनि बचाउन नसकिएकाे अस्पतालले जानकारी दिए ।
चितवन माडी निवासी उनी १० दिनअघि भारतबाट आएका उनी उपचारका लागि नयाँदिल्ली गएका थिए ।
क्वारेन्टाइनमा रहेका उनी ज्वरो देखिएपछि शुक्रबार भरतपुर अस्पतालको आइसोलेसनमा भर्ना भएका हुन् । मृतकको स्वाब परीक्षण गर्न पठाइएको छ। साँझसम्म कोरोना परीक्षण रिपोर्ट आउने अस्पतालले जनाएको छ।
Copyright © 2024 Bikash Media Pvt. Ltd.
