२०७७ जेठ ५ गते २२:१३ विकासन्युज
नुवाकोट । बेलकोटगढी नगरपालिका वडा नम्बर २ स्थिति सिरिसे टोलमा २ वर्षकी एक बालिकाका मृत्यु भएको छ । आइतबार घरमै लडेर बेहोस भएकी ति बालिकाको सोमबार धादिङ जिल्लाको धार्केस्थिति शिवदर्शन अस्पतालमा उपचार गरिएको थियो ।
अस्पतालले विरामीको अवस्था जटिल भएको भन्दै थप उपचारको लागि काठमाडौं लैजान भनेको तर बच्चाको बुबाले विरामी घरमा लैजादै गर्दा ती बालिकाको मृत्यु भएको बुझिएको छ ।
ती बालिकाको मृत्यु कोरोना भाइरसको कारण भएको हो कि भन्ने आशंका भएको र आवश्यक जाँचको लागि जिल्ला सदरमुकाम विदुरबाट स्वास्थ्यकर्मीको टोली बोलाइएको वडा अध्यक्ष रमेशप्रसाद न्यौपानेले बताए ।
कोरोनाको कारण मृत्यु भएको हो कि भन्ने आशंकाले स्थानीयबासी चिन्तित भएको र शंका निवारण गर्नको लागि शवको स्वाव परिक्षणका लागि स्वस्थ्य टोली मगाउने निष्कर्षमा स्थानीयबासी पुगेको खनियाँखर्क निमाविका शिक्षक दामोदर सापकोटाले बताए ।
Copyright © 2024 Bikash Media Pvt. Ltd.
