२०७७ वैशाख ३१ गते १७:५६ विकासन्युज
काठमाडाैं । अर्थमन्त्री डा. युवराज खतिवडाले केही उद्योगमा खुकुलो गर्नु पर्ने बताएका छन् । उनले राेग भोकबाटै लड्न केही उद्याेग खाेल्नु पर्ने बताएका हुन् ।
प्रतिनिधिसभामा बजेटको प्राथमिकता र सिद्धान्तको विषयमा उठेको सवालको जवाफ दिँदै उनले भोकबाट लड्न लकडाउनमा पनि केही उद्योग खोलिएको उल्लेख गरे ।
उनले भने, ‘आधारभूत स्वास्थ्य सेवा र शिक्षामा राज्यको भूमिका हुनुपर्छ त्यही आधारबाट बजेट अघि बढ्ने छ । रोग र भोक सँग लड्नुछ यसका लागि पनि आर्थिक क्रियाकलाप अघि बढाउँनै पर्छ । आर्थिक क्षेत्र अगाडी बढाएन भने रोजगार कसरी सृजना हुन्छ ? काम लगाएर राहत दिन पनि आर्थिक कृयाकलाप बढाउँनुपर्छ ।’
खतिवडाले आगामी आर्थिक वर्ष २०७७/७८ का लागि सरकारले ल्याउन लागेको बजेट परम्परागत नभएको पनि दाबी गरे । सांसदहरुको सुझाव तथा सल्लाहको उत्तर दिँदै मन्त्री डा.खतिवडाले बजेट परम्परागत नभएर सांसदहरुको टिप्पणी गर्ने तरिका परम्परागत भएको बताए ।
Copyright © 2024 Bikash Media Pvt. Ltd.
