काठमाडौं । अब दोश्रो बजारमा सेयर कारोबार गर्न ‘कनेक्ट आईपीएस’ र ‘मेरो सेयर’ अनिवार्य रूपमा हुनु पर्ने भएकाे छ । लकडाउनको समयमा बजारमा सेयर किनबेच गर्न चाहनेले कनेक्ट आईपीएसमा आवद्ध र ‘मेरो सेयर’को खाता हुनुपर्ने नेपाल धितोपत्र बोर्डले जनाएको छ ।

बाेर्डका अध्यक्ष भीष्मराज ढुङ्गानाले सेयर बजार खुलेपछि पनि लगानीकर्तालाई कनेक्ट आईपीएसमा आवद्ध गराएर मेरो सेयर लगइन गराई कारोबार गराउने बोर्डको आन्तरिक गृहकार्य भईरहको जानकारी दिएका छन् । यससँगै, उक्त प्रणाली आवद्ध भएका लगानीकर्ताले घरबाटै सेयर किनबेच गर्न पाउने छन् ।

सरकारले पुँजी बजार खुल्ला गर्ने निर्णय गरेकाे सुने पनि आधिकारिक निर्णय नआएको उनले बताएका छन् । यससँगै, ब्रोकर तथा लगानीकर्तालाई कारोबार गर्न सजिलो हुने र काेरानाे भाइरस संक्रमण फैलन नपाउने गरी कोरोबार खुलाउन सकिने उनले प्रष्टाएका छन् ।

‘बजारमा दैनिक कारोबार गर्ने लगानीकर्ता औषत १० देखि १५ हजार रहेका छन्, यी सबैलाई पास दिन सम्भव नहुने भएकाले ‘कनेक्ट आईपीएस’ र ‘मेरो सेयर’मा आवद्ध गराएर बजार खाेल्ने बोर्डको तयारी छ, यसका लागि पूर्वाधार तयारीका साथै, थप आन्तरिक गृहकार्य गरिरहेको छाैं,’ अध्यक्ष ढुंगानाले भने ।

बजारमा हालसम्म ‘कनेक्ट आईपीएस’ र ‘मेरो सेयर’ लिने लगानीकर्ता २ देखि ३ हजार जना मात्र रहेका छन् ।

सम्बन्धित शिषर्कहरु

संस्था सफल हुने मूलखाँबो पूँजी, प्रविधि र श्रम : उद्यमी पाण्डे

आर्थिक वृद्धि ४.५ प्रतिशत बढी हुन्छ भन्ने अर्थ मन्त्रालयको अनुमान छ : अर्थमन्त्री पुन

चारतारे होटल मिस्टिक माउन्टेनको कारोबार ३३ करोड

कहिले बढ्ला सेयर बजार ?

संसदको बजेट अधिवेशन वैशाख २५ गते बोलाउने सरकारको तयारी, सहकारी समस्या समाधान गर्न अध्यादेश ल्याइने

काठमाडौं महानगरको सिप मेला (फोटो फिचर)