२०७६ माघ २४ गते १७:२६ विकासन्युज
काठमाडौं । राष्ट्रिय वाणिज्य बैंकको प्रस्तावित १२ प्रतिशत नगद लाभांश पारित भएको छ । माघ २४ गते सम्पन्न बैंकको चौधौं वार्षिक साधारण सभाले सञ्चालक समितिको उक्त प्रस्तावलाई पारित गरेको हो ।
सभाले पारित गरेसँगै सेयरधनीले हालकाे चुक्ता पुँजीकाे (एक अर्ब ८ कराेड रूपैयाँ) १२ प्रतिशत नगद लाभांश(कर समेत) पाउने छन् ।
साथै, बैंक संचालक समितिका अध्यक्ष निर्मलहरि अधिकारीको अध्यक्षतामा सम्पन्न भएको उक्त सभाले आर्थिक वर्ष २०७५/०७६ को वार्षिक प्रतिवेदन पारित गरेको छ ।
बैंकको हाल ७७ जिल्लामा २३९ वटा शाखा कार्यालय, २०५ वटा एटीएम र ९३ वटा शाखा रहित बैंकिङ्ग रहेको छ ।
Copyright © 2024 Bikash Media Pvt. Ltd.
