काठमाडौं, १६ असोज । राम्रो लाउने र मिठो खाने चाडका रुपमा परिचित दशैंमा पछिल्लो समय नयाँ नोटले छुट्टै महत्व पाउँदै आएको छ । नयाँ नोटप्रति नागरिकको चासोलाई सम्बोधन गर्नकै लागि नेपाल राष्ट्र बैंकले दशैंमा बिभिन्न बैंक तथा वित्तिय संस्था र आफ्नै क्षेत्रिय कार्यालयहरुबाट नयाँ नोट वितरण गर्दै आएको छ । राष्ट्र बैंकले एक जना व्यक्तिलाई बिभिन्न दरका ३७ हजार रुपैंयाँसम्म नयाँ नोट उपलब्ध गराउँदै आएको छ ।

तर आजकल नयाँ नोट बैंक तथा वित्तिय संस्था र केन्द्रिय बैंकका क्षेत्रिय कार्यालयहरुमा मात्रै नभएर रत्नपार्कमा समेत पाउन थालिएको छ । दशैं नजिकिँदै गर्दा रत्नपार्कमा नयाँ नोट साटिदिने व्यक्तिहरु देखा पर्न थालेका छन् । उनीहरुले एक हजार रुपैयाँको नयाँ नोट साटिदिए वापत ५० रुपैंयाँ कमिसन लिने गरेका छन् ।

यसरी नयाँ नोट बाढ्नु गैर कानुनी भएपनि दशैंमा नयाँ नोटको महत्वलाई यसले दर्शाउँछ । जे भएपनि देशमा नयाँ नोटको क्रेज भने बढिरहेको देखिन्छ । नेपाल राष्ट्र बैंकले असोज १६ गते अर्थात आजकै दिनदेखि नयाँ नोट निष्काशन आरम्भ गरेको हो । केन्द्रिय बैंकले ५, १०, २०, ५०, १००, ५०० र १००० दरका नयाँ नोट बजारमा ल्याएको हो ।

सम्बन्धित शिषर्कहरु

अब श्रमिकको पारिश्रमिक बढ्छ : प्रधानमन्त्री प्रचण्ड

संस्था सफल हुने मूलखाँबो पूँजी, प्रविधि र श्रम : उद्यमी पाण्डे

आर्थिक वृद्धि ४.५ प्रतिशत बढी हुन्छ भन्ने अर्थ मन्त्रालयको अनुमान छ : अर्थमन्त्री पुन

चारतारे होटल मिस्टिक माउन्टेनको कारोबार ३३ करोड

संसदको बजेट अधिवेशन वैशाख २५ गते बोलाउने सरकारको तयारी, सहकारी समस्या समाधान गर्न अध्यादेश ल्याइने

काठमाडौं महानगरको सिप मेला (फोटो फिचर)