हिमालयन जनरल इन्स्योरेन्सले १५ प्रतिशत नगद लाभांश दिने, पुस १४ गतेदेखि बुक क्लोज
काठमाडौं । हिमालयन जनरल इन्स्योरेन्स कम्पनीले सेयरधनीलाई १५ प्रतिशत नगद लाभांश दिने भएको छ । कम्पनीले गत आर्थिक वर्षको मुनाफाबाट आफ्ना सेयरधनीलाई सो मात्राको लाभांश दिने कम्पनी सञ्चालक समितिले निर्णय गरेको छ । सञ्चालक समितिको निर्णयलाई कम्पनीको आगामी पुस ३० गते हुन लागेको वार्षिका साधारणसभाले पारित गर्दै छ । उक्त सभामा जाने प्रयोजनको लागि कम्पनीको आगामी पुस १४ गतेदेखि ३० गतेसम्म बुक क्लोज हुँदै छ ।
प्रुडेन्सियल इन्स्योरेन्सको हकप्रद पुस १६ देखि खुला हुदै
काठमाडौं । प्रुडेन्सियल इन्स्योरेन्स कम्पनी लिमिटेडले चुक्तापुँजी बढाउन हकप्रद सेयर निष्कासन गर्ने भएको छ । कम्पनीले आउदो पुस १६ देखि माघ २१ गतेसम्मका लागि १ कित्ता बराबर ०.३० कित्ता अनुपातमा १२ करोड ८३ लाख रुपैयाँ बराबरको १२ लाख ८३ हजार कित्ता हकप्रद सेयर निष्कासन गर्न लागेको हो । हकप्रद निष्कासनपछि कम्पनीको चुक्तापुँजी ५५ करोड ५९ लाख ८४ हजार रुपैयाँ हुने छ । कम्पनीले आउदो असारसम्म चुक्तापुँजी बढाएर १ अर्ब रुपैयाँ पुर्याउदै छ ।
एभरेष्ट इन्स्योरेन्सले १० प्रतिशत बोनस र ६ लाख रुपैयाँ नगद लाभांश दिने
काठमाडौं । एभरेष्ट इन्स्योरेन्स कम्पनीले सेयरधनीलाई १० प्रतिशत बोनस सेयर दिने भएको छ । साथै, कम्पनीले कर प्रयोजनको लागि ६ लाख ३९ हजार ४७४ रुपैयाँ नगद लाभांश दिने निर्णय गरेको छ । उक्त निर्णय मंसिर २८ गते बसेको कम्पनी सञ्चालक समितिको बैठकले गरेको हो । बैठकले गत वर्षको मुनाफाबाट सेयरधनीलाई सो मात्राको लाभांश दिने प्रस्ताव गरेको हो । कम्पनी सञ्चालक समितिको प्रस्तावलाई बीमा समितिले स्वीकृति तथा कम्पनीको आगामी वार्षिक साधारणसभाले पारित गर्नु पर्ने छ ।
