२०७६ असोज ३० गते १५:४८ विकासन्युज
काठमाडौं । पछिल्लो समय सेयर बजार सुस्ताउँदै गएको छ । बिहीबार जम्मा १८ करोड २९ लाख रुपैयाँ बराबरको सेयर कारोबार भएको छ । जुन यस साताभरिकै सबैभन्दा न्युन कारोबार हो ।
न्युन कारोबार भएको बजारमा तीन कम्पनीको करोडौंको सेयर कारोबार भएको छ । प्रभु बैंकको एक करोड ९९ लाख र सनराइज बैंकको एक करोड १० लाख रुपैयाँ बराबरको सेयर किनबेच भएको छ । त्यस्तै, मेगा बैंकको एक करोड ५७ लाख रुपैयाँ बराबरको संस्थापक सेयर किनबेच भएको छ ।
सो दिन नेप्से परिसूचक ०.७१ अंकले बढेर ११३७ अंकमा पुगेको छ । जुन अघिल्लो दिनको तुलनामा ०.०६ प्रतिशत बढी हो ।
Copyright © 2024 Bikash Media Pvt. Ltd.