काठमाडौं । सिटिजन्स म्युचुअल फण्ड अन्तर्गत सञ्चालन हुने ‘सिटिजन्स म्युचअल फण्ड २’ ले निष्काशन गरेको म्युचअल फण्डमा २१ करोड १० लाख १७ हजार २०० रुपैयाँको आवेदन परेको छ । फण्ड निष्काशन गरेको ४ दिनमै ८२ सय ७ जनाले सो मात्राको लगानी गरेका योजना व्यवस्थापक सिबिआईएल क्यापिटलले जनाएको छ ।

फण्ड निष्कासन तथा बिक्री प्रवन्धक सिबिआईएलले गत जेठ ९ गतेदेखि एक अर्ब रुपैयाँको म्युुचअल फण्डको बिक्री गरिरहेको छ । जुन छिटोमा जेठ १३ गते र ढिलोमा असार ८ गते बैंकिङ् समय पश्चात बन्द हुने छ । जसमा सर्वसाधारणले न्युनतम एक सय देखि २ करोड इकाईसम्मको फण्ड खरिद गर्न सक्ने छन् । अर्थात इच्छुक लगानीकर्ताले एक हजार रुपैयाँदेखि २० करोड रुपैयाँ सम्मको आवेदन दिन पाउने छन् ।

संस्थाले प्रतिईकाई १० रुपैयाँ अंकित मुल्य कायम रहने गरी १० करोड म्युुचअल फण्ड बिक्री खुल्ला गरिरहेको छ । सो मध्ये १५ प्रतिशत अर्थात एक करोड ५० लाख इकाई कोष प्रर्वधक एनआईसी एशिया बैंकको लागि र बाँकी आठ करोड ५० लाख इकाई सर्वसाधारणमा बिक्री गर्ने संस्थाले जनाएको छ ।

‘सिटिजन्स म्युचअल फण्ड २’ सात वर्षे बन्दमुखी योजना हो । जसको आकार एक अर्ब रुपैयाँको छ । जुन बाँडफाँड भएको मितिले सातौँ वर्षमा परिपक्व हुने संस्थाले जनाएको छ ।

सम्बन्धित शिषर्कहरु

काठमाडौं उपत्यकाका यी क्षेत्रमा एक साता बिजुली काटिने

‘आगामी आर्थिक वर्षको बजेट राष्ट्रिय सूचकमा पछि परेका वर्ग र क्षेत्रमा केन्द्रित’

८५ प्रतिशत जापानी सामाजिक सञ्जाल नियमनको पक्षमा

तुम्लिङटार विमानस्थलमा १२ दिनदेखि उडान ठप्प

गोदाममै सड्यो करोडौंको चिनी

बागमती सिँचाइ आयोजना ब्यारेजको तीन दशकछि जीर्णोद्धार