राष्ट्रिय बीमा कम्पनी र मेगा बैंकबीच बैंकास्योरेन्स सम्झौता
काठमाडौं । सरकारी स्वामित्वको राष्ट्रिय बीमा कम्पनी लिमिटेड र मेगा बैंकबीच बैंकास्योरेन्स सम्झौता भएको छ । सो सम्बन्धि सम्झौतामा राष्ट्रिय बीमा कम्पनीको तर्फबाट प्रमुख कार्यकारी अधिकृत वीर बिक्रम रायमाझि र बैंकका तर्फबाट सहायक नायब प्रमुख कार्यकारी अधिकृत रबिना देशराज श्रेष्ठले हस्ताक्षर गरेका छन् । यस सम्झौता पश्चात बैंकले आफ्नो सम्पत्ति ग्राहक तथा कर्मचारीहरुको दुर्घटना तथा स्वास्थ र लगानी गरिएको सम्पत्ति माथीको विभिन्न प्रकारको बीमा सरकारी स्वामित्वको राष्ट्रिय बीमा कम्पनीबाट सजिलै गर्न सक्ने छ । यस सम्झौता मार्फत बैकका ग्राहकहरुले बैंकका सम्पूर्ण शाखाबाट सबै प्रकारका निर्जीवन बीमा लेख प्राप्त गर्न, प्रिमियम भुक्तानी गर्ने लगायत सम्पूर्ण बीमा सेवा प्राप्त गर्न सक्नेछन् । साथै, बीमा कम्पनीले दाबी परेको समयमा सहजरुपमा दाबी भुक्तानी गर्ने प्रतिबद्धता गरेको छ । यो सम्झौताले मेगा बैंकको “हलो देखी हाईड्रो” सबैलाई सुरक्षा प्रदान गर्ने छ । साथै, पशुघन र साना तथा मझौला व्यवसायीलाई यो सेवा बढी प्रभावकारी हुने कम्पनीले जनाएकाे छ । बैंक र बीमाको माध्यमबाट नै देशको अर्थ व्यवस्थामा प्रभावकारी विकास गर्न सकिने दुबै पक्षको विश्वास छ । यसैबिच राष्ट्रिय बीमा कम्पनीले कृषी र पशु बीमा लगायत ग्राहस्थ बीमालाई प्रभावकारी बनाउने उद्देश्यले त्रियुगा नगरपालिकबीच सहमती गरि सकेको जानकारी दिइएको छ ।
मेगा बैंक र लाइफ इन्स्योरेन्स कर्पोरेशनबीच बैंकास्योरेन्स सम्झौता
काठमाडौं । मेगा बैंक नेपाल लिमिटेड र लाइफ इन्स्योरेन्स कर्पोरेशन(एलआइसी)बीच बैंकास्योरेन्स सम्झौता भएको छ । उक्त सम्झौता पत्रमा मेगा बैंककी सहायक नायब प्रमुख कार्यकारी अधिकृत रविना देशराज श्रेष्ठ र एलआइसीका कायम मुकायम सीईओ अविजित घोष दस्टीदरले हस्ताक्षर गरेका छन् । यसका साथै, अब ग्राहकहरुले मेगा बैंकका जुनसुकै शाखाबाट एलआइसीमा जीवन बीमा गर्नुका साथै प्रिमियम भुक्तानी, दाबी भुक्तानी लगायत सबै सेवा प्राप्त गर्न सक्नेछन् । यो सम्झौताले जीवन बीमा गर्न चाहने र गरिरहेका ग्राहकहरुलाई थप सुविधा प्राप्त हुने बैंकको विश्वास छ ।
नेपाल लाइफ इन्स्योरेन्सको नाफा १५ प्रतिशत बढ्यो, लगानीबाट मात्रै झण्डै ४ अर्ब आम्दानी
काठमाडौं । नेपाल लाइफ इन्स्योरेन्स कम्पनी लिमिटेडको नाफा १५ प्रतिशत बढेको छ । कम्पनीले गत आर्थिक वर्ष ०७४/०७५ मा नाफा ४७ करोड ९२ लाख रुपैयाँ गरेको छ । यो कम्पनीको बिमाङकीय मूल्याँकन अघिको हो । मूल्याँकनपछि नाफा अझ बढ्ने कम्पनीका प्रमुख कार्यकारी अधिकृत (सीईओ) विवेक झाले बताए । अघिल्लो वर्षको सोही अवधिमा कम्पनीले ४१ करोड ६५ लाख रुपैयाँ नाफा गरेको थियो । कम्पनीले लगानी, कर्जा तथा अन्य ३ अर्ब ९७ करोड रुपैयाँ आम्दानी गरेको छ । अघिल्लो वर्ष २ अर्ब ५० करोड २७ लाख रुपैयाँ मात्र आम्दानी भएको थियो । गत वर्ष नेपाल लाइफले ९९ करोड २२ लाख रुपैयाँ आम्दानी गरेको छ । समीक्षा अवधिमा बीमा शुल्क आर्जन ३२.३३ प्रतिशत बढेर १६ अर्ब १ करोड रुपैयाँ पुगेको छ । अघिल्लो वर्ष १२ अर्ब ५ करोड रुपैयाँ बीमा शुल्क आर्जन भएको कम्पनीले जनाएको छ । हालसम्म कम्पनीले ६८ अर्ब ५५ करोड रुपैयाँ कुल बीमा शुल्क आर्जन गरेको छ । कम्पनीको घोषित बोनसदर प्रतिहजार ६२ देखि ८२ रुपैयाँसम्म रहेको छ ।
