२०७४ कार्तिक १५ गते १०:२९ विकासन्युज
काठमाडौं । सरकार स्वामित्वको राष्ट्रि वाणिज्य बैंकले ३ महिनामा २१ करोड रुपैयाँ नाफा बढाएको छ ।
चालु आर्थिक वर्षको पहिलो त्रैमाशमा बैंकले ७० करोड ९५ लाख रुपैयाँ खुदनाफा गरेको छ । गत आवको सोही अवधिमा बैंकले ५० करोड रुपैयाँ मात्र नाफा गरेको थियो ।
बैंकले बुधबार सार्वजनिक गरेको चालु आर्थिक वर्षको वित्तीय विवरणमा वित्तीय सुचक सकरात्मक देखिएका छन् । बैंकको निष्क्रय कर्जा २.९२, पुँजिगत लागत १.६७, कर्जा निक्षेप अनुपात (सीडी रेसियो) ७१.७९, कर्जा निक्षेपबीचको ब्याजदर अन्तर ४.९५ र प्रतिसेयर आम्दानी (ईपीएस) २३.५४ प्रतिशत रहेको बैंकले जनाएको छ ।
समीक्षा अवधिमा बैंकको निक्षेप १ खर्ब ४८ अर्ब ३१ करोड रुपैयाँ छ । यस्तै कर्जा लगानी १ खर्ब ६ अर्ब ४७ करोड रुपैयाँ पुगेको छ । जगेडामा ३ अर्ब ८२ करोड र चुक्तापुँजी ८ अर्ब ५८ करोड ८९ लाख रुपैयाँ छ ।
Copyright © 2024 Bikash Media Pvt. Ltd.