काठमाडौं । सेयर बजार करेक्सनतर्फ लागेको छ । साताको शुरुदेखि ओरालो लागेको बजार मंगलबारदेखि करेक्सनतर्फ लागेको छ । मंगलबार सामान्य अंकले बढेको नेप्से बुधबार ७.७९ प्रतिशतले बढेर ११४२.६० अंकमा पुगेको छ । जुन अघिल्लो दिनको तुलनामा ०.६९ प्रतिशतले बढी हो ।

बजारमा नेप्से परिसूचकमा केही सुधार देखिएता पनि कारोबार रकम भने बढ्न सकेको छैन । बुधबार कूल १५३ कम्पनीको १६ करोड ३७ लाख रुपैयाँ बराबरको सेयर किनबेच भएको छ । जसमध्ये सबैभन्दा बढी प्रभु बैंकको २ करोड ७२ लाख रुपैयाँ बराबरको सेयर कारोबार भएको छ । त्यस्तै, एनआईसी एशिया बैंकको एक करोड ४६ लाख रुपैयाँ बराबरको सेयर किनबेच भएको छ ।

बुधबार कारोबारमा आएका सबै समूह सूचक हरिया देखिएका छन् । जीवन बीमा समूह सबैभन्दा बढी ४८ अंकले बढेको छ । त्यस्तै, होटल समूह २१ र हाइड्रो समूह १६ अंकले बढेको छ भने बाँकी समूह सामान्य अंकले उकालो लागेका छन् ।
सो दिन सबैभन्दा बढी नेको इन्स्योरेन्सका लगानीकर्ताले ५.९८ प्रतिशत कमाएका छन् ।

सम्बन्धित शिषर्कहरु

राष्ट्रिय बीमा कम्पनीको सञ्चालकमा नेपाल बैंकका अधिकारी

श्रम स्वीकृती २ मिनेट ४४ सेकेण्डमा दिइराखेका छौँ : मन्त्री अर्याल

निजी क्षेत्रको मनोबल उठाउन ‘बोल्ड’ निर्णय हुन्छ : अर्थमन्त्री

यो वर्ष श्रम मन्त्रालयको खर्च ३४.१७ प्रतिशत मात्रै

जलवायु परिवर्तनले फैलिँदै मलेरिया, अफ्रिकामा कहिल्यै निर्मूल भएन

धरहराको कम्पाउन्डमा सिसै सिसाको प्रतिक्षालय (तस्बिरहरु)