काठमाडौं । काठमाडौं विश्वविद्यालय (केयू) धुलिखेलमा ३३ किलोवाटको डीसी फास्ट चार्जिङ स्टेसन सञ्चालनमा आएकाे छ । काठमाडौं विश्वविद्यालय र साइमेक्स इंक प्रालि (बीवाईडी)को सहकार्यमा चार्जिङ स्टेशन सञ्चालनमा आएकाे हाे ।

चार्जिङ स्टेशनको औपचारिक उद्घाटन केयूका उपकुलपति प्रा.डा भोला थापा र बीवाईडीको एसिया-प्यासिफिक अटो सेल्स डिभिजनका महाप्रबन्धक लिउ ज्युलियाङले संयुक्त रूपमा गरे ।

बीवाईडीले इलेक्ट्रिक सवारीसाधनहरूको कम्पोनेन्टहरू पनि प्रदान गर्ने जनाएकाे छ । कम्पोनेन्टहरू केयूको प्रयोगशालामा राखिनेछ । यसले विद्यार्थी र अनुसन्धानकर्ताहरूलाई आधुनिक ईभी प्रविधिसँग जाेडिन सहयाेग पुर्‍याउने बताइएकाे छ ।

बीवाईडीको एसिया-प्यासिफिक अटो सेल्स डिभिजनका महाप्रबन्धक ज्युलियाङले पृथ्वीकाे तापक्रम घटाउने लक्ष्यमा वातावरणमैत्री सवारीसाधन बढाउने लक्ष्य लिएकाे बताए ।

‘हाम्रो लक्ष्य पृथ्वीलाई १ डिग्री सेल्सियसमा चिसो बनाउन मद्दत गर्नु हो । हामी वातावरणमैत्री सवारीसाधनहरूकाे संख्या बढाउने लक्ष्य राखेका छाैं,’ उनले भने ।

उनले बीवाईडीले प्रभावकारी रूपमा कार्बन उत्सर्जनको मुद्दालाई सम्बोधन गरेको पनि बताए । यस सहकार्यमार्फत धेरै लाभान्वित हुने अपेक्षा केयूले गरेकाे छ ।

काठमाडौं विश्वविद्यालयका उपकुलपति प्रा.डा भोला थापाले यस सहकार्यले नेपालमा हरित प्रविधिकाे भविष्यमा याेगदान दिने बताए । केयूका प्राज्ञिक औद्योगिक सहकार्य विभागका संयोजक डा. राम लामाले पनि साझेदारीको भविष्यको बारेमा आफ्नो धारणा राखेका थिए ।

सम्बन्धित शिषर्कहरु

एकैदिनमा जेइको जे सिक्स र ओमोडा ई ५ को १०० युनिट डेलिभरी

विदेश पढ्ने योजनामा हुनुहुन्छ ? यी हुन सक्छन् पूर्ण छात्रवृत्ति

नुवाकोटमा सीएफमोटो र जिहोको शोरुम बिस्तार

वुलिङ ईभीले ल्यायो दशैंको अवसरमा गाडी एक्सचेञ्ज योजना, नयाँ किन्दा २९.९९ लाख मूल्य

देशभरका कम्प्युटर क्लबकाे सहकार्यमा ‘लर्निङ उत्सव’को आयोजना गरिँदै

नेपालमा बनेको हुन्डाई भेन्यू ईको बिक्री वितरण सुरु, १० वर्षसम्म निःशुल्क सर्भिसिङ