२०७९ असोज ७ गते १७:४० विकासन्युज
काठमाडौं । अभियान लघुवित्तको आईपीओ नेपाल स्टक एक्सचेञ्ज (नेप्से) मा सूचीकृत भएको छ । लघुवित्तको आईपीओ शुक्रबार नेप्सेमा सूचीकृत भएको हो ।
लघुवित्त र नेप्सेबीच शुक्रबार २५ लाख कित्ता सेयर नेप्सेमा सूचीकृत गर्ने सम्झौता भएको हो । लघुवित्तको संस्थापक सेयरधनीहरुको १५ लाख २५ हजार कित्ता (६१ प्रतिशत) र सर्वसाधारण समूहको ९ लाख ७५ हजार कित्ता (३९ प्रतिशत) को गरी कूल २५ लाख कित्ता सेयर नेप्सेमा सूचीकृत भएको हो ।
नेप्सेले अभियान लघुवित्तलाई ‘एभीवाईएएन’ कारोबार संकेत प्रदान गरेको छ । साथै, नेप्सेले लघुवित्तलाई पहिलो कारोबारका लागि प्रतिकित्ता न्यूनतम १०५.३६ रुपैयाँ र अधिकतम प्रतिकित्ता ३१६.०८ रुपैयाँ तोकेको छ । लघुवित्तको सेयर आइतबारदेखि कारोबारमा आउने छ ।
Copyright © 2024 Bikash Media Pvt. Ltd.