काठमाडौं । लगानी बाेर्डका प्रमुख कार्यकारी अधिकृत सुशील भट्टले प्रधानमन्त्री शेरबहादुर देउवालाई बाेर्डकाे प्रतिवेदन बुझाएका छन् । बुधबार प्रधानमन्त्री देउवालाई भेटेर भट्टले बाेर्डकाे प्रतिवेदन पेश गरेका बुझाएका हुन् ।

प्रधानमन्त्री देउवा र भट्टबीच साउन ३२ मा आ.व.२०७८/७९ को लागि ४२ वटा क्रियाकलापमा समयसारिणी सहितको मापनयोग्य सूचकका आधारमा कार्यसम्पादन करार भएको थियो ।

लगानी बोर्डका चार प्रमुख रणनीतिक खम्बाहरु परियोजना विकास र व्यवस्थापन, लगानी प्रवर्द्धन, संस्थागत विकास र समन्वय सहकार्य र साझेदारीमा केन्द्रीत रही भएको करार, बमोजिम सम्पादन गरिएका कार्यहरुको प्रगति विवरण समेटिएको उक्त प्रतिवेदनमा तोकिए अनुसारका सम्पूर्ण सूचकहरु पूरा भई शतप्रतिशत कार्यसम्पन्न भएकाे भट्टले बताए ।

उक्त आर्थिक वर्षमा एक खर्ब २२ अर्बभन्दा बढी लगानी स्वीकृत भएको व्यवसायिक योजना , सहितको पञ्चवर्षीय रणनीतिक योजना स्वीकृत गरी लागू गरिएको लगानी बोर्डको परियोजना बैंक, सम्बन्धी मार्गदर्शन तयार भएको र परियोजनाको अनुगमन सम्बन्धी ड्यासबोर्ड समेत तयार भएको उनले जानकारी दिए ।

त्यस्तै, पश्चिम सेती तथा सेती नदी संयुक्त जलविद्युत परियोजनाको विकास ढाँचा सम्बन्धी अध्ययन कार्य सम्पन्न भएको माथिल्लो कर्णाली जलविद्युत परियोजनाको वित्तीय व्यवस्थापनको म्याद थप सम्बन्धी अध्ययन कार्य सम्पन्न भएको र नेपालमा रासायनिक मल कारखाना स्थापना गर्न उपलब्ध प्रविधिहरुको तुलनात्मक विश्लेषण सम्बन्धी अध्ययन प्रतिवेदनमा सार्वजनिक गरिएको छ ।

सम्बन्धित शिषर्कहरु

कति उपलब्धिमुलक रह्यो कतारका अमिरको नेपाल भ्रमण ?

नेपाल-कतार द्विपक्षीय वार्ता : नेपालमा लगानी गर्न प्रधानमन्त्रीको आग्रह

छनोट उपसमिति गैरकानुनी भन्दै पर्यटन बोर्ड सीईओ छनोट तत्काल रोक्न अदालतको आदेश

हिमालयन हाइड्रो एक्स्पोको चौथो संकरण सुरु, विद्युत् खपत बढाउने उद्देश्य

लगानी बढाउन रसियाका उद्योगीलाई परिसंघको आग्रह, ३ संस्थासँग समझदारी

स्वदेश फर्किए कतारका राजा, राष्ट्रपति पौडेलले गरे बिदाई