काठमाडौं । गत वर्षको वित्तीय विवरण सबै वाणिज्य बैंकले सार्वजनिक गरिसकेका छन् । अघिल्लो वर्षको तुलनामा गत वर्ष बैंकहरुको नाफा २३.१४ प्रतिशतले बढेको छ । प्रत्येक वर्ष वाणिज्य बैंकहरुको नाफा बढरिहेको छ । गत वर्षको तथ्याङ्क अनुसार वाणिज्य बैंकहरुको नाफा पौने एक खर्ब रुपैयाँ पुगेको हो ।

वित्तीय विवरण अनुसार गत वर्ष बैंकहरुले ७४ अर्ब ८० करोड १४ लाख ३३ हजार रुपैयाँ खुद नाफा आर्जन गर्न सफल भएका छन् । अघिल्लो वर्षको सोही अवधिमा बैंकहरुले ६० अर्ब ७४ करोड ३८ लाख २ हजार रुपैयाँ नाफा आर्जन गरेको थिए ।

बैंकहरुमा देखिएको तरलता अभावको समस्याका बाबजुत बैंकहरुको नाफा बढेको हो । करोडमा नाफा कमाउने ३ वटा वाणिज्य बैंक अर्ब क्लबमा प्रवेश गरेका छन् । ३ वटा बैंकको नाफा भने घटेको छ ।

गत वर्षको वित्तीय विवरणले निजी क्षेत्रका बैंकहरुलाई सरकारी बैंकहरु भारी पर्न थालेका छन् । नाफा आर्जनमा अघिल्लो वर्ष तेस्रो स्थानमा रहेको राष्ट्रिय वाणिज्य बैंक सिधैं एक नम्बरमा पुगेपछि बैंकिङ्ग क्षेत्रमा तरङ्ग ल्याएको छ । गत वर्ष ५ अर्बभन्दा बढी नाफा कमाउनेमा राष्ट्रिय वाणिज्य र ग्लोबल आइएमई बैंक रहेका छन् ।

यस्तै, नबिल बैंक, एनआईसी एशिया बैंक र नेपाल इन्भेष्टमेन्ट बैंकको नाफा ४ अर्ब भन्दा बढी रहेको छ । नबिल र एनआईसी एशियालाई नेपाल इन्भेष्टमेन्ट बैंकले केही महिना पछि नै पछि पार्ने देखिन्छ । मेगा बैंकसँग मर्जर सम्झौता गरेको इन्भेष्टमेन्टले मंसिरसम्म एकीकृत कारोबार गरेमा यी दुई बैंकभन्दा अघि पुग्ने देखिन्छ ।

एनएमबि बैंक, प्राइम बैंक, नेपाल बैंक र सिद्धार्थ बैंकले ३ अर्बभन्दा बढी नाफा आर्जन गरेर प्रतिस्पर्धा गरिरहेका छन् । सरकारी लगानी रहेको नेपाल बैंक पनि आफ्नो स्थान बढाउँदै गएकाले अझै अग्रस्थानमा छिट्टै पुग्ने तथ्याङ्कले देखाएको छ ।

कुमारी, मेगा, कृषि विकास, प्रभु, एभरेष्ट, हिमालयन, सानिमा, स्ट्याण्डर्ड चार्टर्ड, सिटजन्स, माछापुच्छ्रे, सनराइज र एनसीसी बैंकले २ अर्बभन्दा बढी नाफा आर्जन गरेका छन् । बिओके, नेपाल एसबिआई, लक्ष्मी, सिभिल र सेञ्चुरी बैंक भने एक अर्ब क्लबमा प्रतिस्पर्धा भइरहेको छ ।

पहिलो पटक एक अर्ब क्लबमा प्रवेश गरेका छन् । नेपाल एसबिआई, सिभिल र सेञ्चुरी पहिलो पटक एक अर्ब बढी नाफा आर्जन गरेर अर्ब क्बलमा पुगेका हुन् । प्रतिशतका हिसावले तुलना गर्ने हो भने यी ३ बैंकको नै सबैभन्दा बढी नाफा बढेको हो । सिभिलको १६२, सेञ्चुरीको ११६ र नेपाल एसबिआई बैंकको नाफा बढेको हो । गत वर्ष ३ वटा वाणिज्य बैंकको नाफा घटेको तथ्याङ्कले देखाएको छ । सानिमा, हिमालयन र कृषि विकास बैंकको नाफा घटेको हो ।

सम्बन्धित शिषर्कहरु

१० बैंकको २० अर्ब वितरणयोग्य नाफा ऋणात्मक

महालक्ष्मी विकास बैंकले गर्यो महिला उद्यमी लक्षित सशक्तीकरण अभियान

गरिमा बैंक र ट्रेकिङ एजेन्सीबीच कर्जामा सहुलियत सहित सेवा उपलब्ध गराउने सम्झौता

कामना सेवाद्वारा पोखरा विश्वविद्यालयमा स्वास्थ्य प्रयोगशाला निर्माण गरि हस्तान्तरण

विकास बैंकका सूचक खस्किए, वितरणयोग्य नाफा ध्वस्त

ग्लोबल आइएमई बैंकको नयाँ एक्सटेन्सन काउन्टर तुल्सीपुरस्थित मालपोत कार्यालयमा