२०७९ साउन २० गते १९:१९ विकासन्युज
काठमाडौं । उन्नत्ति कल्चरल भिलेजले तीन दिने ‘आधारभुत कला व्यवस्थापन’ तालिमको आयोजना गरेको छ । भिलेजले अगस्ट १ देखि ३ तारिकसम्म ललितपुरको होटल भिभान्तामा उक्त तालिमको आयोजना गरी सम्पन्न गरेको हो ।
उन्नती कल्चरल भिलेज चौधरी फाउण्डेसनको नेपाली कला, शिल्प, साहित्य र खानाको प्रवद्र्धन गर्दै दिगो सामाजिक विकास तर्फ केन्द्रित एउटा सामाजिक अग्रसर्ता हो ।
चौधरी फाउण्डेसनले कला र सिर्जनशील क्षेत्रका प्रबन्धकहरुको क्षमता निर्माण र नेटवर्किङको लागि प्रतिबद्ध आर्टथिङ्क साउथ एसियासंगको सहकार्यमा आयोजना गरेको उक्त तालिममा झण्डै ३४ सहभागी थिए ।
त्यस अवसरमा कला व्यवस्थापन, कलामा रणनीतिक योजना, संगठनात्मक पहिचान-भिजन र मिशन, कलाको बजारीकरण, कला बजारीकरणका उद्देश्य र रणनीतिहरू, मानव संसाधन व्यवस्थापनको महत्व, संगठनात्मक नीतिहरू र कला तथा साँस्कृतिक क्षेत्रमा कोष संकलनलगायत विभिन्न विषयहरुमा अन्तरक्रिया र सत्रहरु संचालन गरिएको थियो ।
Copyright © 2024 Bikash Media Pvt. Ltd.