काठमाडौं । सहकारी विभागले काठमाडौंको कुलेश्वरमा रहेको गौतमश्री बहउद्देश्यीय सहकारी संस्थाका सञ्चाचलक तथा व्यवस्थापकको बैंक खाता रोक्का गर्न नेपाल राष्ट्र बैंकलाई छ । सो सहकारी संस्थाले बचतकर्ताहरुको रकम फिर्ता नगरेको भन्दै विभागमा उजुरी दिएको आधारमा विभागले बैंक खाता रोक्का लागि राष्ट्र बैंकलाई पत्र पठाएको हो ।

१०७५ जना पीडित बचतकर्ताहरुबाट प्राप्त उजुरी निवेदन अनुरुप उक्त संस्थाका सञ्चालक तथाव्यवस्थापकहरुको बैंक खाता रोक्का राख्न नेपाल राष्ट्र बैंक मार्फत् सबै बैंक तथा वित्तिय संस्थाहरुलाई अनुरोध गरी पठाइएको उल्लेख गरिएको छ ।

कुलेश्वरमा रहेको केन्द्रीय कार्यालय रहेको सो सहकारीको विभिन्न स्थानमा रहेका सेवा केन्द्रहरु, डिपार्टमेन्टल स्टोर्स तथा गोदामहरुमा रहेका सम्पूर्ण चल, अचल सम्पत्ति यस विभागको अनुमति विना खोल्न, चलाउन र सरसामान बिक्री वितरण गर्न नपाउने गरी आवश्यक सुरक्षा प्रदान गर्न तथा शिलबन्दी लाहाछाप गरी सो को जानकारी सहकारी विभागमा पठाईदिन र संचालक एवं कर्मचारीहरुलाई बिभागमा उपस्थित गराइदिन पनि प्रहरी प्रधान कार्यालय, अपराध अनुसन्धान विभाग नक्सालमा पत्र पठाएको विभागको भनाइ छ ।

पीडित बचतकर्ताहरुबाट प्राप्त उजुरी, निवेदनका आधारमा विभागले थप आवश्यक कारवाहीका लागि ३ दिनभित्र सम्बन्धित निकायमा सिफारिस गरी पठाइने विज्ञप्तिमा उल्लेख छ ।

सम्बन्धित शिषर्कहरु

बीमकलाई प्राधिकरणले भन्यो : भ्रम सिर्जना नगरी दावी भुक्तानी सुरु गर्नुस्

त्रिविका कानुनी सल्लाहकार खनाललाई कारबाही नगर्न आदेश

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

बैंकरका सामू राष्ट्र बैंक स्तब्ध

टीभीएस अपाचेको आरटीआर १६० सार्वजनिक, मूल्य तीन लाख बढी

चिया निर्यातमा भारतीय अवरोध हट्यो