काठमाडौं । चक्रवर्ती ल कलेजका विद्यार्थी संगठनले बढाइएको शुल्क फिर्ता नलिएसम्म आन्दोलनका कार्यक्रमहरु यथावत रहने घोषणा गरेको छ ।

शुक्रबार काठमाडौंमा पत्रकार सम्मेलन गर्दै संगठनले विद्यार्थीहरुले उठाएका माग अनुरुप अनुचित रुपमा बढाइएको शुल्क फिर्ता नलिएसम्म आन्दोलनका कार्यक्रमहरु यथावत रहने घोषणा गरेको हो ।

विद्यार्थी संगठनले निजि कलेज संचालक र प्रहरी प्रशासनको सेटिङमा माफिया पोस्न उद्दत रहेका र विद्यार्थीलाई आक्रमण गर्ने प्रहरी अधिकारीलाई कारवाही गर्न समेत गृहप्रशासन समक्ष माग गरेका छन् ।

पत्रकार सम्मेलनमा बोल्दै नेविसंघ चक्रवर्ती कलेजका नेता पवन आचार्यले विद्यार्थीका जायज माग राखेर शान्तिपुर्ण आन्दोलनको क्रममा कलेजका सेक्युरीटिले धकेलेको बताए । सामान्य विवाद हुँदै गर्दा प्रशासनले प्रहरी भित्राएर लाठी चार्ज गर्दा केही साथीहरु घाइते भएको बताए । उनीहरुको अहिले बानेश्वरस्थित सिभिल अस्पतालमा उपचार भइरहेको जानकारी दिए ।

त्यस्तै, विद्यार्थी नेता सुवास रेग्मीले विद्यार्थीको हकहितको लागि भएको आन्दोलनलाई लिएर कलेजको पठनपाठन बन्द गर्नु खेदजनक भएको बताए ।

विद्यार्थीहरुको जायज माग राख्ने क्रममा प्रहरीको आक्रमणबाट नेपाल विद्यार्थी संघ चक्रवर्ती ल कलेजका अध्यक्ष अभिनव सिंह राठौर,विद्यार्थी नेता सफल कटुवाल घाइते भएका थिए भने अखिल क्रान्तिकारीका इकाई सचिब दिर्घ रोकायमाथि अङ्गभङ्ग हुने गरि आक्रमण गरिएको उनीहरुले आरोप लगाएका छन् ।

नेविसंघ चक्रवर्ती कलेजका सचिव द्वोय राजेन्द्र रोकाया र सुरज रेग्मीलाई प्रहरीले हिरासतमा लिएको थियो ।

मापदण्ड पालना नगरी कलेजले नयाँ शैक्षिक सत्रमा बिएएलएलबी मा शुल्क ७ लाख ९६ हजार ४०० रुपैयाँबाट १० लाख ७० हजार रुपैयाँ र एलएलमको ३ लाख २३ हजार रुपैयाँबाट ५ लाख ४८ हजार रुपैयाँ निर्धारण गरेको भन्दै विद्यार्थीहरुले विरोध गर्दै आएका थिए ।

कलेज प्रशासनले अनुचित रुपमा शुल्क बढाएपछि संयुक्त विद्यार्थी सङ्गगठनका तर्फबाट चरणबद्ध रुपमा समय–समयमा ज्ञापन पत्र बुझाएर ध्यानाकर्षण गराउनेदेखि लिएर, पहिलोपटक गत साउन ८ गते र सम्बोधन नभएपछि दोस्रो पटक साउन ९ गते ताला लगाएको थियो ।

तर, कलेज प्रशासनले गत साउन १० गते एकतर्फी रुपमा ताला खोलेपछि विद्यार्थीहरु थप आन्दोलित भएका थिए । विद्यार्थी संगठनले आन्दोलनलाई देखाएर दैनिक पठनपाठन नरोकि सहज रुपमा सुचारु गर्न समेत कलेज प्रशासनलाई आग्रह गरेका छन् ।

सम्बन्धित शिषर्कहरु

त्रिविका कानुनी सल्लाहकार खनाललाई कारबाही नगर्न आदेश

उपनिर्वाचनको मौन अवधि आज रातिदेखि सुरु, प्रचारप्रसार गर्न निषेध

चिया निर्यातमा भारतीय अवरोध हट्यो

जापानको मानवरहित चन्द्रमा ल्यान्डर तेस्रो चन्द्र रातसम्म जीवित

एआईको प्रयोगले सन्तोषजनक छैन विश्वमा मानव अधिकारको अवस्था

प्राधिकरणको आम्दानीबाट विद्युत सहुलियत धान्न सम्भव छैन : घिसिङ